LECCIÓN 19
Ni testigo de Jehová a jiʼi ni denduaxin cristiano
Jaʼana xro testigo de Jehová na denduaxin dithikaʼuna ke jaan cristianoná. Ixi unda. Rutsjeʼená thino dachrjexin thi dithikaʼuna ko nombre ke tjiʼaná, ko kai rutsjeʼená kexrein thjuaxin chiana naana ko inaana.
1. Thino dachrjexin thi dithikaun ni testigo de Jehová
Jesús ndache Dio: “Thaa yaa thi ndua” (Juan 17:17). Jaʼana xro testigo de Jehová na ntha̱ʼaná xrajuʼo ke Jesús: kainxin thi dithikaʼuna yaa dachrjexin de ngaa Thee Ndo Dio. Detsjeʼe kexrein kuexinxin xrago ni testigo de Jehová. Ínchi nunano 1870, naa grupo de ni estudiante de Biblia kuexiʼina tsjeʼena jian keʼe thi ndachro Thee Ndo Dio. Kuexiʼina kjuaguna thi bithikauna aro, ke kain jiʼi bachrjexin de ngaa Biblia, maski thi bakinxina ko bakjaguna jiʼa xrajuʼo ke thi bakjago icha ningo. a
2. Unda ixi diʼiná ni testigo de Jehová
Jehová ndachro ke thi ni nchesayeʼe Ndo yaa thi ni testigoe ixi tjaguna thi ndua de jeʼe Ndo (Hebreos 11:4-12:1). Ínchi are saʼo, Dio ndache rajnee: “Jaʼara ni testigona” (tsjeʼe Isaías 43:10). Ko kai Jesús chunxinxini “Testigo Fiel” (Apocalipsis 1:5). Mexinxin ngai nano 1931 kuinchaaná diʼiná ni testigo de Jehová. Anto chrjuin tununana ixi jaña diʼiná.
3. Kexrein tjago ni testigo de Jehová thi thjueʼeni Jesús
Jesús anto bathjueʼe ni baruee ke para jeʼe xraa ni nchianduʼa (tsjeʼe Marcos 3:35). Ko xro testigo de Jehová na de nguixin ngataʼa Nunthe, jian xrakjiʼan chiana, xraa sirukji nakua familia. Mexinxin nchao ndatjan chiana “chuuná” ko “chuana” (Filemón 1, 2). Ko kai dithikaʼuna jiʼi: “Thjueʼe chuura kainxira” (1 Pedro 2:17). Xro testigo de Jehová tjaguná ke thjuaa chiana; naa de jiʼi, ke thengijnaná ni chiana de nguixin ngataʼa Nunthe are tedathuna naa thi tángi.
TANGI ICHA
Satsuaná icha de ni testigo de Jehová ko rutsjeʼená keʼe tjago ke jaʼana ni denduaxin cristiano.
Ni denduaxin cristiano kainxin thi tjaguna yaa dachrjexin de ngaa Biblia ko tjaguena icha chujni de jiʼi.
4. Kainxin thi dithikaʼuna yaa dachrjexin de ngaa Biblia
Jehová bajin thi ndua de ngaa Biblia ke rugiji rukinxini icha jian. Tsjeʼera Daniel 12:4 ko tjaura de jiʼi:
-
Keʼe thi icha “tatsutsje” ngayee ni nchexree Ndo Dio jaña ínchi tetsjeʼená ngaa Biblia.
Detsjeʼe kexrein bakangina de Thee Dio naa grupo de ni estudiante de Biblia, ko naa de ni jiʼi yaa Charles Russell. Tsjeʼera VIDEO ko tjaura de jiʼi:
-
Ínchi bukuna ngai video, kexrein bancheʼe Charles Russell ko ni estudiante de Biblia para kuangina ko kuinxina de Thee Dio.
A benuʼan
Te bee, dasingixiná thi dithikaʼuna. Ixi unda. Ixi Dio ndanda ko ndanda tanchrjandaná thianxina ngaa Thee, jaña ínchi are dichriʼin nchaʼun ndanda ko ndanda nchengasaan (tsjeʼera Proverbios 4:18). Maski Biblia dixingixiʼan, jaña ínchi ndanda thianxina, jaña dixingixin thi dithikaʼuna.
5. Ntharenthená ínchi diʼiná
Unda ixi kuinchaaná diʼiná ni testigo de Jehová. Tsjeʼera VIDEO ko tjaura de jiʼi:
-
Unda ixi nchao jii nombre testigo de Jehová.
Unda ixi kuincheʼe Jehová chujni para ke rúkjana ni testigoe. Ixi anto tsje thi nduaʼa nichjana de jeʼe, ni teʼi runichjana thi ndua de Jehová, Ndo Dio nduaxin. Rutsjeʼená yuo de thi nduaʼa ke nichjana de Jehová.
Thuʼa religión tjago ke Dio rinao ke sinchegundani imagen para sinchesayeʼeni. Aro, a jaan ndua jiʼi. Tsjeʼera Levítico 26:1 ko tjaura de jiʼi:
-
Ínchi ndachro versículo jiʼi, kexeʼe thi ndua. Keʼe xraxaun Dio de sinchegundani imagen.
Thuʼa ni tetauʼen nthiʼa religión tjaguna ke Jesús yaa Dio. A ndua jiʼi. Tsjeʼera Juan 20:17 ko tjaura de jiʼi:
-
Ínchi ndachro versículo jiʼi, kexeʼe thi ndua. A Dio ko Jesús yaa nakua chujni.
-
Kexrein dekunuʼan ixi denuʼan ke Jehová rua̱ʼan ni testigoe para tjaguna thi ndua de jeʼe ko Xeʼen.
6. Thjuaa chiana naana ko inaana
Biblia ncheyeʼi ni cristiano jaña xraa naa chujni. Tsjeʼera 1 Corintios 12:25, 26 ko tjaura de jiʼi:
-
Keʼe chuʼeni ke sincheʼe ni denduaxin cristiano are ni chuuna tedatho thi tángi.
-
De thi suixin begikun, kexrein tjago ni testigo de Jehová ke thjueʼe chuuna.
Are inchi ni testigo de Jehová de naa rajna tedathuna thi tángi, ni chuuna de nguixin ngataʼa Nunthe thengijnana. Rutsjeʼená naa thi kuʼen, tsjeʼera VIDEO. Kuthejan tjaura de jiʼi:
-
A ruendachro suixin ke are ni labores de socorro de ni testigo de Jehová thengijnana ni datho thi tángi jiʼi tjaguxina ke thjueʼe chuuna. Unda.
Ni denduaxin cristiano tjaguna ke thjueʼena ni icha are thengijnana ni teʼi are tedathuna thi tángi.
THI NDACHRO INCHINA: “Ni testigo de Jehová yaa naa religión ke nandaʼa kununxin”.
-
Kesa kuexinxin Jehová binchegiʼin “ni testigo” chujni ke nchesayeʼe.
THI KUANGINÁ
Ni testigo de Jehová jaan denduaxin ni cristiano. Nguixin ngataʼa Nunthe jaʼana xraa nakua familia ke nchesayeʼe Ndo Dio, ke tjaguná ko dithikaʼuna kain thi dachrjexin de ngaa Biblia ko tjaguná thi ndua de Jehová.
A xraxaun thi kuangi
-
Unda ixi kuinchaaná diʼiná ni testigo de Jehová.
-
Kexrein tjaguná ke thjuaa chiana naana ko inaana.
-
A degithikaun suixin ke ni testigo de Jehová yaa jaan ni denduaxin cristiano.
THJEE ICHA
Degatsuan icha de jaʼana.
Los testigos de Jehová: una historia de fe viva. Parte 1: Salen de la oscuridad (1:01:27)
Detsjeʼe kexrein ni testigo de Jehová kjuaguna kexeʼe naa thi nduaʼa ke tjago ni icha.
Dekjee icha thi suixin deganchangi de ni testigo de Jehová.
“Preguntas frecuentes sobre los testigos de Jehová” (Sección de jw.org)
Stephen anto tsje thi jiaʼan juincheʼe ixi bagingakuʼen ni icha. Detsjeʼe keʼe bikun ngai ni testigo de Jehová ke kuengijna basengixin videe.
“Mi vida iba de mal en peor” (La Atalaya, 1 de julio de 2015)
a Xrun La Atalaya, jiʼi naa xruun ke dantsjená kainxin kunithjao, ko xrun jiʼi bachrje xrun desde 1879 asta jai nchauana.
