LECCIÓN 23
Thi digitheni: yaa naa thi icha jian tsincheʼe sinchexethja
Jesús kjuago ke para ke nchao rukjani cristiano chunda ke sigitheni (tsjeʼe Mateo 28:19, 20). Aro keʼe ruchro sigitheni. Keʼe chunda ke sincheʼe naa chujni para ke nchao sigithe.
1. Keʼe mee thi digitheni
Ngai tha griego verbo bautizar ruchro “dingi”, jiʼi ruchro, dingi jinda. Xraa are Jesús bigithe, bingi nguixin ngai río Jordán, kuthejan “bachrjengi” (Marcos 1:9, 10). Ni denduaxin cristiano are digithena kai dingina jinda nguixina.
2. Keʼe tjago naa chujni are digithe
Are naa chujni digithe, tjago ke xrajun sincheʼe xree Jehová. Keʼe chunda ke sincheʼeni para ruxrajuni sincheʼeni xree Jehová. Chunda ke sakeʼeni naa thenchaun ngai Ndo Dio thi rundacheni Ndo ke juʼo jeʼe Ndo thi sinchesayeʼeni. Ko jiʼi chunda ke tsuʼen saʼo de sigitheni. Ngai thenchaun mee, thi chujni jixrajun sincheʼe xree Jehová jindachro ke juʼo Jehová thi sinchesayeʼe ko ke sincheʼe thi jeʼe Ndo thetuʼan Ndo. Kai, chunda ke sincheʼe ko ruruee thi kjuago Jesús, ke ndachro: “Si chrujan ni rinao ruruena, ke tsinthuʼe thi jincheʼe [...] ko tsinthueʼa de ruruena” (Mateo 16:24). Are xrajun sincheʼe xree Dio ko sigithe, naa chujni nchao ruxrakao jian Jehová ko ni nchesayeʼe Ndo.
3. Keʼe chunda ke sincheʼeni para ke nchao sigitheni
Si suixin dejinao segithe, saʼo chunda ke sekangi de Jehová ko sechunthia ngai jeʼe (tsjeʼe Hebreos 11:6). Ko are icha tsje sekangi ko senchesuji thi dechunthia, icha sethjueʼe Jehová. Ko jaan, jiʼi sincheʼe ke suixin sejinao senichja de juajna jian ko segithikaun thi ndachro ngaa Biblia (2 Timoteo 4:2; 1 Juan 5:3). Are naa chujni “thinxin thi ndachro Jehová”, anche nchao ruxrajun sincheʼe xree Ndo ko sigithe (Colosenses 1:9, 10). a
TANGI ICHA
Rutsjeʼená keʼe tjaguaná thi bigithe Jesús ko kai kekaa nchao sincheʼe naa ni rinao sigithe.
4. Keʼe tanginá de are bigithe Jesús
Para sekunuʼan kexrein bigithe Jesús, tsjeʼera Mateo 3:13-17. Kuthejan tjaura de jiʼi:
-
A Jesús bigithe are xra nchiin beʼe.
-
A juʼo kuinthjijina inchi jinda ja̱a. Ani kexrein bigithe Jesús.
Are Jesús bigithe, kuexiʼin juincheʼe xrá ke bayee. Tsjeʼera Lucas 3:21-23 ko Juan 6:38, ko tjaura de jiʼi:
-
Are ubigithe Jesús, kexeʼe thi xrá icha juincherenthe.
5. Thi digitheni yaa naa thi jaan nchao sinchexethja
Are xraxauni ruxrajuni sincheʼeni xree Ndo Dio ko sigitheni ncheʼe ke xrauni inchi. Aro, si suixin sekinthueʼa de sekangi icha de Jehová ko segatsuan Ndo icha, jiʼi tsengijnantha ruxrauʼantha sencheʼentha jiʼi. Rutsjeʼená keʼe juincheʼe inchina para ke nchao bigithena. Tsjeʼera VIDEO.
Tsjeʼera Juan 17:3 ko Santiago 1:5, ko tjaura de jiʼi:
-
Keʼe sekengijna para ke nchao segithe.
-
Xrajuná para sunthuʼuna xree Jehová are ndachená ke rinauná sunthusayeʼena juʼo jeʼe kainxin nchaʼun sunthechuna.
-
Are digithená, jaʼin tjaguxiná ngathe kun chujni ke uxrajuná sunthuʼuna xree Jehová.
6. Are digitheni takjani naa de ni nchianduʼa Jehová
Are digitheni, takjani naa de ni nchianduʼa Ndo Dio. Ko chundaʼa ke sikun rajnaana o thi banthuʼuna are saʼo, kainxiná xrajuʼo duthikauna ko nthuʼuna jaña ínchi ndachro Biblia. Tsjeʼera Salmo 25:14 ko 1 Pedro 2:17, ko tjaura de jiʼi:
-
Ínchi ndachro versículo teʼi, kexrein thengijnani thi digitheni.
THI XRAXAUN INCHINA: “Jaʼan tununa ke anto xra tsje ditjana para sigithena”.
-
Maski jaña dekunuʼan, a dexraxaun ke jaan rugunda sincheʼeni jiʼi.
THI KUANGINÁ
Jesús ndachro ke para rukjani cristiano chunda ke sigitheni. Ko, para ke nchao sincheʼeni jiʼi, chunda ke sinchesujini thi chunthiani ngai Jehová, sithikauni thi thetuʼan ko ruxrajuni sincheʼeni xree.
A xraxaun thi kuangi
-
Keʼe mee thi digitheni, ko unda ixi anto renthe.
-
Keʼe chunda ke sikun thi ruxrajuni sincheʼeni xree Dio ko thi sigitheni.
-
Keʼe chunda ke sincheʼe naa chujni saʼo de ruxrajun sincheʼe xree Ndo Dio ko sigithe.
THJEE ICHA
Detsjeʼe keʼe thi nduaʼa tjaguna de thi digitheni ko keʼe thi denduaxin ruchro jiʼi.
Detsjeʼe kekaa nchao sekengijna para ke nchao segithe.
“El amor y la gratitud a Jehová conducen al bautismo” (La Atalaya, marzo de 2020)
Denchelee kexrein naa thi xii kuincheʼe bigithe aro jiʼa juʼo para rukunuʼen kexrein tunueni digitheni.
“Querían que descubriera la verdad por mí mismo” (La Atalaya, 1 de febrero de 2013)
Detsjeʼe unda ixi thi digitheni jiʼi naa thi rugunda ke sincheʼeni ko keʼe nchao sekengijna suixin.
a Si chrujan ni ubigithe ngai inaa religión, chunda ke rukjan sigithe. Unda. Ixi religión mee kjuagueʼa thi ndua de ngaa Biblia (tsjeʼe Hechos 19:1-5 ko lección 13).
