Jehová rinao ke satsuaná ni nchianduʼa ke te ngajni. Ngakjan ni teʼi yaa te ni ángeles, ke kai chunxinxinina xraa “xeʼen Dio” (Job 38:7). Keʼe tjago Biblia de ni ángeles. Kexrein ncheʼe ni teʼi ngai chujni. A kainxin ni ángeles dithikauna Ndo Dio.

1. Kensen mee ni ángeles

Saʼo de juinchechjian Nunthe, Jehová juinchechjian ni ángeles. Jaña xraa jeʼe, ni teʼi kai naa espíritu ke chujni chruʼa dikun, ko tena nthi̱ʼa ngajni (Hebreos 1:​14). Jii tsje millón de ángeles ko jejee xrá ncheʼena (Apocalipsis 5:​11). Ni teʼi “ncheʼena thi jeʼe [Jehová] ndachro ko dithikauna thi thetuʼan” (Salmo 103:​20). Are saʼo, te bee Jehová rua̱ʼan ni ángeles para bikauna juajnee ko kai para kuengijna rajnee. Jai nchauana, ni ángeles ditauʼena nthiʼa ni dikao juajna jian para sitjana chujni ke rinao satsuan Ndo Dio.

2. Kensen mee Xi jiaʼan ko ni demonio

Inchi ni ángeles i bithikauʼana Jehová. Ko thi saʼo takjantaʼa Ndo “yaa thi nchegiʼina Xi jiaʼan ko Inchijin, ke jincheyeʼe chujni de nguixin ngataʼa Nunthe” (Apocalipsis 12:9). Xi Jiaʼan juinao ruketueʼen ichana, mexinxin juincheyeʼe ni binthe saʼo para ke kai rukjantaʼana Dio. Kuthejan kai juincheyeʼe icha ni ángeles. Ni ángeles ke takjantaʼana Ndo Dio diʼina demonio. Jehová tabengixina de ngajni ko sarua̱ʼana nthiʼi ngataʼa Nunthe, ko utuin tase̱ʼena (tsjeʼe Apocalipsis 12:​9, 12).

3. Kekaa nchegunda Xi Jiaʼan ko demonio para nthayaanána

Xi jiaʼan ko demonio ncheyeʼena chujni kunixin thi diʼin espiritismo o kai ngai ocultismo, ko jiʼi anto jiaʼan ixi nichjayeena espíritu anto jiaʼan. Ínchi jiʼi, ke tena ncheleena horóscopo ko ichana nchegundana astrología, ni datsueʼen, ni dikunxiʼin keʼe tsuʼen, ni kanthaka ko ni thuso. Tena thjeena xruan ke chunda ke sikun ngai ocultismo. Ko tena ncheyeʼena chujni para dithikauna ke denduaxin nichjeena ni tabinthege̱ʼen. Aro Jehová thetuaná jiʼi: “Thjeʼara ni nichjayee espíritu ko danchangiʼara ni datsueʼen” (Levítico 19:​31). Jeʼe rinao sayakuana de Xi jiaʼan ko demonio, ixi ni teʼi dingakuʼena Ndo ko rinauna sinthaanána thi jiaʼan.

 TANGI ICHA

6. Dekjeʼe cha Xi jiaʼan ko demonio

Xi jiaʼan thetueʼen demonio. Aro thi ditauʼen nthiʼa ni ángeles ke dithikaun yaa arcángel Miguel, jiʼi inaa nombre chunxinxini Jesús. Kexrein tsangaxin Miguel. Tsjeʼera Apocalipsis 12:​7-9 ko tjaura de jiʼi:

• Kexeʼe ni icha tsanga: Miguel ko ni ángeles, ani Xi jiaʼan ko demonio.

• A ni ruee Cristo chunda ke ruxragu̱ena Xi jiaʼan ko demonio.

Suixin nchao sekjeʼe cha Xi jiaʼan ko demonio. Tsjeʼera Santiago 4:7 ko tjaura de jiʼi:

• Keʼe chunda ke sencheʼe suixin para ke Xi jiaʼan ko ni demonio sixinthexiʼana ngajintha.

 THI KUANGINÁ

Ni ángeles ke dithikaun thengijnanána. Xi jiaʼan ko demonio dingakuʼena Jehová, ko nchegundana ocultismo para ncheyeʼena chujni.

A xraxaun thi kuangi

• Keʼe ncheʼe ni ángeles ke dithikaun para ke chujni satsuana Jehová.

• Kensen mee Xi jiaʼan ko ni demonio.

• Kexrein sekjiʼa si segixinthe ngai thi diʼin ocultismo.