LECCIÓN 25

Keʼe rinao Dio para jaʼana

SÍKUNI O TSI̱ʼINI NGAI THÁ

Biblia ndachro ke chujni “séʼa dechun ko anto tsje chijni detan” (Job 14:1). Aro, a jiʼi thi juinao Dio para jaʼana. Ko, si jiʼa jaña jixin, keʼe rinao Ndo para jaʼana. A ko tsii nchaʼun ke ruxethja jiʼi. Detsjeʼe keʼe ndachro Biblia de jiʼi.

1. Kexrein rinao Ndo Dio ke sunthechuna

Jehová rinao thi icha jian para jaʼana. Are juinchechjian Ndo ni binthe saʼo ngataʼa Nunthe -Adán ko Eva-, bakeʼe Ndo na ngai naa nthajie ke anto chrjuin beʼe: ngai jardín de Edén. Nthi̱ʼa “Ndo Dio juinchenchauna ko ndachena: ‘Chundara tsje chjan, nchetsje chuura, nchekaunra ngataʼa Nunthe ko thetuʼanra ngataʼa Nuntheʼ” (Génesis 1:28). Jehová juinao ke ruchundana chjan, ko ke runchekjana nguixin ngataʼa Nunthe naa nthajie ko rugayakuʼena kain uxigo. Jeʼe Ndo juinao Ndo ke nguixin ngataʼa Nunthe chujni rukuniʼana ko ke xruʼin kensen ruge̱ʼen.

Maski jiʼa jaña kuenxin, a Ndo Dio xra dasengixiʼan thi xráxaun Ndo are saʼo (Isaías 46:10, 11). Jeʼe Ndo rinao Ndo ke kainxin chujni ke sithikaun sinthechuna see ko xruʼin sithjeʼena (tsjeʼe Apocalipsis 21:3, 4).

2. Kexrein nchao chrjuin sunthechuna desde jai

Rugundaana de Dio, jaña kunchjiana. Jiʼi ruchro ke dachrjexin de jaʼana satsuaná ko sunthusayeʼena (tsjeʼe Mateo 5:3-6). Dio rinao ke jian ruxrakjiuʼuná, ke sakjiná “ngai kainxin nthiee”, ke ruthjueʼená ko ke de ansaana sachrjexin sunthusayeʼena (Deuteronomio 10:12; Salmo 25:14). Si sunthuʼuna kain jiʼi, anto ruchaana maski sutana tsje chijni. Are nthusayeʼena Jehová jiʼi thi ncheʼe ke tsurenthe thi techuná.

TANGI ICHA

Rutsjeʼená kexrein tjaguaxiná Jehová ke anto thjuaaná ixi kexrein juinchechjian Nunthe ko rutsjeʼená keʼe tjago Thee Ndo de thi techuni.

3. Jehová rinao ke kainxin chujni jian sinthena

Tsjeʼera VIDEO ko tjaura de jiʼi:

VIDEO: Unda juinchechjian Dio Nunthe (riuʼo video) (1:41)

Unda juinchechjian Dio nuntheʼana anto chrjuin.

Tsjeʼera Eclesiastés 3:11 ko tjaura de jiʼi:

Keʼe tjaguaná jiʼi de Jehová.

4. Thi juinao Ndo Dio bixingixiʼan

Tsjeʼera Salmo 37:11, 29 ko Isaías 55:11, ko tjaura de jiʼi:

Kexrein nuanxina ke thi rinao Ndo Dio para jaʼana xra dixingixiʼan.

Naa nchia maski anto tadixanthe nchia xra nchao tsunchjian nchia. Xrajuʼo tuʼen kunixin nuntheʼana: maski chujni dayakueʼana, Dio rukjan sinchechjian para chujni ke denduaxin thjueʼena Ndo.

5. Are nthusayeʼena Jehová jiʼi thi ncheʼe ke tsurenthe thi techuná

Are tanginá unda ixi tená nthiʼi yaa ncheʼe ke chaana. Tsjeʼera VIDEO ko tjaura de jiʼi:

VIDEO: Kuianxin keʼe thi icha renthe de vidana (5:03)

Kexrein kuengijna Terumi are kuinxin keʼe thi icha renthe.

Tsjeʼera Eclesiastés 12:13 ko tjaura de jiʼi:

Ixi kainxin thi ncheʼe Jehová ixi jaʼana, keʼe chunda ke sunthuʼuna para tsjaguná ke dajuná juasaya ngai.

THI DANCHANGI INCHINA: “Unda ixi tená nthiʼi. Unda ixi renthe ke techuná”.

Keʼe ruegatheʼe suixin.

THI KUANGINÁ

Jehová rinao ke kainxiná tachrjuin sunthechuna nthiʼi ngataʼa Nunthe ko ke tsuniaʼaná. Desde jai, nchao tsurenthe vidaana si sunthusayeʼena Jehová de nguixin ansaana.