A chrujan ni nchianduintha tabe̱ʼen. Jiʼi naa thi icha tángi dathuni, ko menxun deganchangi “A xra techuni inaa lado are tade̱ʼeni. A rukjan sikun ni nchiania”. Ngai lección jiʼi ko ngai leccion tsii satheʼená jiʼi kunixin Biblia.

1. A xra techuni inaa lado are tade̱ʼeni

Jesús juincheyeʼi thi tade̱ʼeni xraa are anto jian tatejuani. Kexrein jiʼi. Are naa chujni anto jian tajijua, nueʼan keʼe thi jituʼen ngandajin. Are naa chujni tade̱ʼen i xruʼin thiin ko i xruʼin thi tángi detana. Biblia ndachro “ke ni tadinthege̱ʼen i xruʼin tunuʼena” (tsjeʼe Eclesiastés 9:5).

2. Unda thengijnaná ixi nuana thi ndua de thi tade̱ʼeni

Tsje chujni xrauna tase̱ʼena, ko kai xragu̱ena ni tadinthege̱ʼen. Si suixin jaña dekunuʼan, are sekangi thi ndachro ngaa Biblia de thi tade̱ʼeni i jiʼa jaña sekunuʼan. Jesús ndachro: “Thi ndua santsjera” (Juan 8:​32). Biblia tjaguʼa thi tjago icha ningo, ke chujni are tade̱ʼena almeena de̱ʼan. Thi ndua yaa ke xruʼin thi tángi dathuna. Ixi ni tadinthege̱ʼen i xruʼin tunuʼena, xruʼin nchao sinthaanána. Ko rugundaʼa ke sunthukuanxiʼinana o sunthuʼuna inaa thi sincheʼe ke sasinchejugaʼana.

Inchina ndachruna ke nchao nichjeena ni tadinthege̱ʼen, aro jiʼi nduaʼa. Ínchi ujuexin bukuna, ni tadinthege̱ʼen “i xruʼin tunuʼena”. Mexinxin, thi ni dithikaun ke jinichjee ni tadinthege̱ʼen thi ndua yaa ke tenichjeena demonio, ke xraguna xraa naa ni utadige̱ʼen. Mexinxin, si tsunuana thi ndua de thi tade̱ʼeni jiʼi sayakuaná de thi ncheʼe demonio. Jehová thetuaná ke sunthuʼana de runichjeená ni tadinthege̱ʼen ixi jeʼe nuʼen jian ke thi tenichjeená yaa demonio ko jiʼi naa thi anto jiaʼan (tsjeʼe Deuteronomio 18:​10-​12).

3. Thi denduaxin tuana are tade̱ʼená

Nguixin ngataʼa Nunthe jejee dithikauna de keʼe thi tuʼeni are tade̱ʼeni. Aro jiʼa kain jiʼi jaan ndua.

• Keʼe dithikauna ngai rajnaantha.

 4. Thi ndua de thi tade̱ʼeni thengijnaná

Are tanginá thi ndua de thi tade̱ʼeni, jiʼi ncheʼe ke i xragu̱eʼaná ni tadinthege̱ʼen. Tsjeʼera Eclesiastés 9:​10 ko tjaura de jiʼi:

• A chrujan nchao sinthaaná ni tadinthege̱ʼen.

Thi ndua ke tjago Biblia ncheʼe ke i duthikauʼana ke chunda ke sunthugangeʼena ñaun naa ni tadige̱ʼen o sunthusayeʼenana. Tsjeʼera Isaías 8:19 ko Apocalipsis 4:​11, ko tjaura de jiʼi:

• Kexrein dexraxaun ke tunuʼen Jehová are naa chujni nchesayeʼe naa ni tadige̱ʼen o thjeena para tsengijnanana.

5. Tangini thi ndua de thi tade̱ʼeni ncheʼe ke dantuʼa tani juachjaun

Tsjena tjaguenana ke are tase̱ʼena, sathuna thi tángi para tsjenganana kainxin thi jiaʼan ke juincheʼena. Aro tachrjuin tunuʼeni thinxini ixi jiʼi nduaʼa, maski anto tsje thi jiaʼan juincheʼeni. Tsjeʼera Romanos 6:7 ko tjaura de jiʼi:

• Jaña ínchi ndachro Biblia, thi tade̱ʼeni yaa thjengaxinina kainxin thi jiaʼan ke juincheʼeni. Anche, a xra degithikaun suixin ke ni tabinthege̱ʼen tethjenganana ixi thi juincheʼena.

Are icha datsuaná Jehová, icha thinxiná ke jeʼe Ndo nchegathuʼa Ndo thi tángi ni tadinthege̱ʼen. Tsjeʼera Deuteronomio 32:4 ko 1 Juan 4:8, ko tjaura de jiʼi:

• Ínchi ndachro versículo teʼi a jaan nchegatho Ndo Dio thi tángi ni tadinthege̱ʼen.

• A dexraxaun ke kain thi ndua de thi tade̱ʼeni jaan ncheʼe ke i taʼaná juachjaun. Unda.

 THI KUANGINÁ

Are naa chujni tade̱ʼen, yaa thjexinxin kain. Ni tadinthege̱ʼen xruʼin thi jiaʼan tuʼena, ko xruʼin thi jiaʼan nchekauna ni icha.

A xraxaun thi kuangi

• A xra techuni inaa lado are tade̱ʼeni.

• Kexeʼe thi ndua de thi tade̱ʼeni.

• Unda ixi ncheʼe ke dantuʼa taana juachjaun are tanginá thi ndua de thi tade̱ʼeni.