LECCIÓN 34

Kexrein tsjaguená Jehová ke thjueʼená

SÍKUNI O TSI̱ʼINI NGAI THÁ

A dekunuʼan icha chiaun de Dio desde ke kuexiʼin bekangi. A ruenthaxruxiʼan icha jian sexrakjiuʼo Ndo. Si jaña jixin, dexraxaun ke si Jehová dikun ke icha dethjueʼe, jeʼe icha sethjuaʼa ko segayakuʼan. Kexrein nchao sekjago suixin ke dethjueʼe.

1. Kexrein tjaguená Jehová ke thjueʼená

Are duthikauna thi thetuʼan, tjaguena ke thjueʼená (tsjeʼe 1 Juan 5:3). Aro jeʼe rinauʼan ke suthikauna juʼo ixi chunda ke sunthuʼuna. Icha jian tanchrjanda ke jaʼana tsincheʼená a jaan sunthuʼuna ani naʼi. Unda. Ixi Jehová rinao ke desde “ansaana sachrjexin suthikauna” (Romanos 6:17). Jiʼi ruchro, ke jeʼe rinao ke suixin segithikaun, aro jiʼa juʼo ixi jeʼe thetuʼan, icha jian ixi dethjueʼe. Sección 3 ko 4 de xrun jiʼi tsengijnantha sekjaguʼentha Jehová ke dethjueʼentha de yuo manera: ke sencheʼe thi jeʼe nchexruxiʼin ko sencheʼa thi jeʼe nchexruxiʼan.

2. Unda te bee tángi tunuana tsjaguená Jehová ke thjueʼená

“Anto tsje thi tángi detan thi jian ncheʼe” (Salmo 34:19). Kainxiná thetukuʼuná thi ndakuaʼa nthuʼuna. Ko jiʼa juʼo yaa, menxun kai tedutaná chijni ixi chundaʼaná tumi, ixi nthaanana thi jiaʼan o inaa thi tángi. Are tedathuná thi tángi, menxun icha tángi tunuana nthuʼuna thi Jehová chuʼen ke sunthuʼuna. Ko thi ndua yaa ke icha tángiʼa sithikauʼani. Aro, suixin tanuinka dencheʼe thi ndachro Jehová, dekjago ke icha dethjueʼe ke kexeʼo inaa. Ko kai dekjago ke dekinthueʼa. Jehová kai tsinthuaʼantha ko seʼe ngajintha (tsjeʼe Salmo 4:3).

TANGI ICHA

Rutsjeʼená unda ixi Jehová anto ncherenthe ke suthikauna ko keʼe nchao tsengijnaná para tsinthueʼaná de suthikauna.

3. Naa thi chunda ke sikun ngajintha

Biblia thekin ngai xrun Job, ke Xi jiaʼan juinchechjieʼen naa mentira Job, ko jiʼa juʼo níchja de jeʼe kai níchja de kain chujni ke rinao sinchesayeʼe Jehová. Tsjeʼera Job 1:1 ko 1:6–2:10, ko tjaura de jiʼi:

Ínchi ndachro Xi jiaʼan, unda ixi Job bagithikaun Jehová (Tsjeʼera Job 1:9-11).
Keʼe mentira juinthachjiaaná Xi jiaʼan, asta suixin (Tsjeʼera Job 2:4).

Tsjeʼera Job 27:5b ko tjaura de jiʼi:

Kexrein kjuago Job ke denduaxin thjueʼe Jehová.

Ixi kuinthueʼa de bithikaun, Job kjuago ke bathjueʼe Jehová.

Are thinthueʼaná de duthikauna, tjaguná ke thjueʼená Jehová.

4. Dencheʼe ke ruchee anseen Jehová

Tsjeʼera Proverbios 27:11 ko tjaura de jiʼi:

Kexrein tunuʼen Jehová are suixin degithikaun thi jeʼe thetuʼan ko dekincheʼe thi jian jii. Unda.

5. Suixin nchao sekinthueʼa de segithikaun Jehová

Thi thjueʼená Jehová jiʼi thengijnaná para nichjeená icha chujni de jeʼe. Ko ixi duthikauna Ndo yaa thi thengijnaná nthuʼuna jiʼi maski dutana thi tángi. Tsjeʼera VIDEO ko tjaura de jiʼi:

VIDEO: Denichjaxin thi degithikaun maski segingakuʼana (5:09)

A tángi dekunuʼan sekekiʼin ni icha de Jehová.
Ínchi bukuna ngai video, keʼe kuengijna Grayson para ke i xrauʼan.

Tángiʼa dithikauni Jehová are thjueʼeni thi jeʼe thjueʼe ko dingakuʼeni thi jeʼe dingakuʼen. Tsjeʼera Salmo 97:10 ko tjaura de jiʼi:

Kunixin kain thi bekangi asta anxun, kekaa thi thjueʼe Jehová. Ko kekaa thi jeʼe dingakuʼen.
Kexrein sekangi sethjueʼe thi jian ko segingakuʼen thi jiaʼan.

6. Are duthikauna thjiana jian

Suthikauna Jehová jiʼi thi icha nchao jii. Tsjeʼera Isaías 48:17, 18 ko tjaura de jiʼi:

A jaan degithikaun ke Jehová thi nuʼen keʼe thi icha jian para jaʼana. Unda jaña dexraxaun.
Kexrein bekengijna asta anxun thi bekangi de ngaa Biblia ko ixi begatsuan icha jian Jehová, Ndo Dio nduaxin.

THI XRAXAUN INCHINA: “Ndo Dio nduseʼan thi jaʼan sinthaʼa”.