LECCIÓN 36
Sunthena honrado
Kainxiná rinauná ke ni jian xrakjiuʼuná sinthena honrado, ko Jehová yaa chuʼen de ni jian xrakao. Aro jiʼi jaan tángi ixi tená ngai naa nunthe ke jii anto tsje chujni ke ncheyeʼe ni icha. A thiaʼo chrujan thi jian ke sunthena honrado. Ínchi keʼe.
1. Unda ixi anto renthe ke sunthena honrado
Are jaʼana honradoná ngai ni icha, tjaguená Jehová ke rinauná ko nthurespetaana. Ko rutjañaʼaná ke Jehová nuʼen thi xraxauná ko thi nthuʼuna (Hebreos 4:13). Are thincheʼená nthuʼuna thi ndakua jii, jeʼe dikun jiʼi ko anto ncherenthe. Ngaa Thee ndachro: “Jehová dingakuʼen chujni jiaʼan, aro xrakao jian thi ni ndakua ncheʼe” (Proverbios 3:32).
2. Thino ko ngai kensen chunda ke sunthena honrado
Sincheʼeni thi Jehová chuʼen de jeʼeni kai chunda ke sikun ke “rundachruni thi ndua” (Zacarías 8:16, 17). Keʼe ruchro jiʼi. Ke ndachruʼaná thi nduaʼa ngai ni nchianduina, ni nthukuʼuna xrá, ni chuuná, ni ngai naa ni chunda autoridad. Chujni honrado themaʼa ko nichjaʼa thi nduaʼa (tsjeʼe Proverbios 24:28 ko Efesios 4:28). Kai, thjenganána impuesto (Romanos 13:5-7). Ngai jiʼi ko ngai icha thi nthuʼuna, rinauná “sunthena honrado ngai kain” (Hebreos 13:18).
3. Kekaa thi jian thiaʼo ke sunthena honrado
Are uchunxinána ke jaʼana chujni honrado, jiʼi ncheʼe ke ichana chunthiana ngajiná. Aro kai, jiʼi ncheʼe ke deʼe thi chunthiani ngaxiʼin congregación, xraa si rukji nakua familia. Kai thiaʼo ke concienciaana chrjuin tunuʼen. Kunixin thi nthuʼuna, nthutsujiná “kain thi tjaguaná Dio, thi kuengijnaná”, menxun jiʼi tsengijna ichana ko sinauna sinchesayeʼena Jehová (Tito 2:10).
TANGI ICHA
Rutsjeʼená keʼe chunda ke sikun honradez ko thi jian ruxrakauni Jehová ko kexrein nchao sunthena honrado ngai kainxin thi sunthuʼuna.
4. Jehová nchexruxiʼin chujni honrado
Tsjeʼera Salmo 44:21 ko Malaquías 3:16, ko tjaura de jiʼi:
-
A nchao jii ke ruxraxauná ke nchao tsemaná thi junthuʼuna. Unda jaña dexraxaun.
-
Si tsincheʼená rundachruná thi ndua, maski anto tángi tsunuana, kexrein dexraxaun ke tsunuʼen Jehová.
Are chjan ndachro xan thi ndua, ncheʼe xan ke ni nduʼa xan cheena. Are jaʼana ndachruná thi ndua, kai nthuʼuna ke chee Jehová.
5. Sunthena honrado kainxin nchaʼun
Maski anto tsje chujni ndachruna ke dantuʼa nchao jii ke sintheni honrado, jii icha tsje thi renthe para ke sunthena honrado. Tsjeʼentha ínchi keʼe. Tsjeʼera VIDEO.
Tsjeʼera Hebreos 13:18 ko tjaura de kexrein nchao sunthena honrado. . .
-
. . . ngai ni nchiaduina.
-
. . . ngai xrá ko ngai escuela.
-
. . . nguii thi ridunthena.
6. Sintheni honrado thiaʼo tsje thi jian
Menxun thi sunthena honrado tsiauaná tsje chijni, aro kuthejan sukuna ke jiʼi thi icha jian sunthuʼuna. Tsjeʼera Salmo 34:12-16 ko tjaura de jiʼi:
-
Si sunthena honrado, kekaa thi jian tsiauaná.
-
Are tatita ko nanita honradona, thi tekaʼo chuuna icha tunsuji.
-
Are naa xi nchexra honrado xa, xi najnii icha chunthia ngai.
-
Are chujni honradona, ni chunda autoridad chrjuin nichjana de jeʼena.
THI XRAXAUN INCHINA: “Naa mentirachjan yaa xraa ni xruʼin”.
-
A dexraxaun ke Jehová dingakuʼen kain mentira. Unda ixi jaña dexraxaun.
THI KUANGINÁ
Jehová rinao ke ni jian xrakao sinthena honrado ngai kain thi rundachruna ko sincheʼena.
A xraxaun thi kuangi
-
Kesa ko ngai kensen chunda ke sunthena honrado.
-
Unda nchauʼa jii ke ruxraxauná ke nchao tsemaná thi ndua.
-
Unda ixi dejinao suixin segariʼi honrado.
THJEE ICHA
Kexrein ni ndudaʼa nchao tsjaguena xeʼena sinthe xan honrado.
Keʼe sayee ni nchexethja thi ndachro.
Detsjeʼe a nchao jii ke tsjenganána impuesto maski ndakuaʼa sinchegundana tumi yaa.
“¿Debe usted pagar impuestos?” (La Atalaya, 1 de septiembre de 2011)
Keʼe juincheʼe ke naa ni bancheyeʼe chujni para bakemeʼena tabasengixin ko takjan naa chujni honrado.
“Aprendí que Jehová es bueno y nos perdona” (La Atalaya, 1 de mayo de 2015)
