LECCIÓN 37
Thi ndachro Biblia de xrá ko tumi
A chrujan bee anto beka juachjaun ixi xrá o ixi tumi. Te bee jaan tángi sunthuʼuna xrá para tsjeená thi rugundaana ko kai santsjendaná nchaʼun para sunthusayeʼena Jehová ínchi jikininxin. Thi ndachro Biblia nchao tsengijnaná para nchao sunthuʼuna jiʼi.
1. Keʼe ndachro Biblia de xrá
Dio rinao ke chrjuin tsunuana are sunthuʼuna xrá. Biblia ndachro ke “xruʼin inaa thi icha jian para chujni ke [. . .] chrjuin tsunuʼena ixi xrá ke ncheʼena” (Eclesiastés 2:24). Jehová anto ncheʼe xrá. Are nthuʼuna xraa jeʼe ko are suji nthuʼuna xrá, tenthuʼuna thi jeʼe nchexruxiʼin ko chrjuin tunuana.
Jaan renthe sunthuʼuna xrá, aro jiʼa ixi mee icha sunthurenthena jiʼi ke sunthusayeʼena Jehová (Juan 6:27). Jeʼe ndachro ke ruchjaaná kain thi rugundaana para sunthechuna si sakeʼená saʼo ngai kainxin thi sunthuʼuna.
2. Kexrein sukuʼená tumi
Maski Biblia ndachro ke “tumi jaan thengijnani”, kai ndathjuná ke si nguxun tsjeená tumi, jiʼi sincheʼa ke ruchaana (Eclesiastés 7:12). Mexinxin, Biblia ndathjuná ke ruthjueʼaná tumi ko ndathjuná jaʼin: “Chaʼara juʼo ixi thi techundara” (tsjeʼe Hebreos 13:5). Are chaana juʼo kunixin thi techundaná, taʼaná juachjaun ixi rinauná ruchundaná icha. Ko kai jiʼa kainxinka lado tekaná (Proverbios 22:7). Ko duxintheʼana ngai thi tsuntaunxina tumi ko thjeʼaná ke antuka ruchundaná tsje tumi.
3. Kexrein nchao sunthugundana tumiana icha jian
Jehová naa Dio ke chjaaná anto tsje, ko nthuʼuna xraa jeʼe are nthaniaʼaná dajuná de thi chundaná ngai ni icha (1 Timoteo 6:18). Nchao sundaana tumiana para tsengijnanxiná ruxengana thi rugunda ngai congregación ko are thengijnaná ni rugundeʼe, ko icha si ni chuuná. Thi icha ncherenthe Jehová yaa jiʼa kieʼen sajuná, icha jian unda ixi dajuná. Si sajuná sin ke sinthanianá ko desde ngai ansaana, anto ruchaana ko sunthuʼuna ke Jehová anto ruchee (tsjeʼe Hechos 20:35).
TANGI ICHA
Rutsjeʼená kekaa thi jian thiauana are ndakua dukuʼena xrá ko chaana ixi thi utechundaná.
4. Denchegangi Jehová ixi ndakua sencheʼe xrá
Thi jian xrakjiuʼuná Jehová kai chunda ke sikun ngai kexrein dukuʼena xrá. Tsjeʼera VIDEO ko tjaura de jiʼi:
-
Keʼe dexraxaun de thi ncheʼe Jason ko kexrein dikuʼen xrá.
-
Keʼe juincheʼe para ke ndakua bikuʼen xrá.
Tsjeʼera Colosenses 3:23, 24 ko tjaura de jiʼi:
-
Unda ixi anto renthe ke sunthuʼuna xrá de “nguixin ansaana”.
Jaan renthe sunthuʼuna xrá, aro jiʼa ixi mee icha sunthurenthena jiʼi ke sunthusayeʼena Jehová.
5. Thi jian thiauaná ixi chaana kunixin thi utechundaná
Tsje chujni asta nuinka ncheʼena thjeena sinthechundana icha tumi aro Biblia tjaguaʼaná yaa. Tsjeʼera 1 Timoteo 6:6-8 ko tjaura de jiʼi:
-
Keʼe consejo chjaaná Biblia.
Nchao ruchaana maski tsjeʼa chundaná. Tsjeʼera VIDEO ko tjaura de jiʼi:
-
Unda ixi familia teʼi anto cheena maski tsjeʼa chundana.
Mee si uchundaná tsje ko xra rinauná icha. Jesús bakeʼe naa ejemplo para binthakianxiná ke jiʼi nchauʼa jii. Tsjeʼera Lucas 12:15-21 ko tjaura de jiʼi:
-
Keʼe dekangi suixin de ejemplo ke bakeʼe Jesús (Tsjeʼera versículo 15).
Tsjeʼera Proverbios 10:22 ko ncheyeʼira ngai 1 Timoteo 6:10. Kuthejan tjaura de jiʼi:
-
Keʼe dexraxaun ke icha renthe: jian ruxrakjiuʼuná Jehová, ani ruchundani tsje tumi. Unda.
-
Keʼe tsuana si nguxun tsjeená tumi.
6. Jehová ruchjaaná kain thi rugundaana
Chijni ke chundaná ngai xrá ko are xruʼin tumi chundaná nchao sincheʼe ke tsjaguná kexrein chunthiaxiná ngai Jehová. Tsjeʼera VIDEO para sikunra kexrein sathujinra chijni teʼi kuthejan tjaura de jiʼi:
-
Kekaa thi tángi betan thi chuuná de video.
-
Keʼe chunda ke juincheʼe para ke bathujin kain jiʼi.
Tsjeʼera Mateo 6:25-34 ko tjaura de jiʼi:
-
Keʼe ndachro Jehová ke sincheʼe ixi ni sakeʼe Ndo saʼo ngai kainxin thi sincheʼena.
THI XRAXAUN INCHINA: “Chunda ke anto sintha̱ʼa xrá para sayakuan ni nchiania. Chruʼa tsji reunión kainxin semana”.
-
Keʼe naa texto dekjaguʼa ke icha nchao jii sakeʼená saʼo thi sunthusayeʼena Jehová.
THI KUANGINÁ
Jaan rugunda sunthuʼuna xrá ko sunthechundana tumi, aro jiʼa ixi mee icha sunthurenthena jiʼi ke sunthusayeʼena Jehová.
A xraxaun thi kuangi
-
Keʼe sekengijna para ke ndakua segikuʼen xrá.
-
Kekaa thi jian thiauana ixi chaana kunixin thi chundaná.
-
Si Jehová ndachro ke ruchjee ni nchexree thi rugundeʼena, kexrein ruekjago suixin ke jaan dechunthia ngai jeʼe.
THJEE ICHA
Detsjeʼe si Biblia ndachro ke tumi yaa jiaʼan.
“¿Tiene el dinero la culpa de todos los males?” (Artículo de jw.org)
Detsjeʼe kexrein nchexruxiʼin Jehová ke sajuná de thi chundaná.
A nchao jii ke rutsuntauná ixi tumi.
“El punto de vista bíblico: Los juegos de azar” (¡Despertad!, marzo de 2015)
Detsjeʼe keʼe kuengijna basengixin naa thi xii ke batsuntaunxin tumi ko bakema.
“Me apasionaban las carreras de caballos” (La Atalaya, 1 de noviembre de 2011)
