LECCIÓN 38
Sajuná juasaya ixi techuná
Ngui techuná dathuná tsje thi anto chrjuin. Asta are tedathuná chijni, nchao dukuna tsje thi anto chrjuin jii. Kexrein nchao tsjaguená Jehová ke teuxruxiʼiná ixi juajni yaa. Ko unda ixi anto renthe ke jaña sunthuʼuna.
1. Unda ixi chunda ke sunthurenthena thi techuná
Chunda ke sunthurenthena thi techuná, ixi jiʼi naa juajni ke chjaaná Ndudaana Jehová ke anto rinauná. Jeʼe “thi ncheʼe ke techuná”, ixi jeʼe thi juinchechjian kain thi jichun ngataʼa Nunthe (Salmo 36:9). “Jeʼe dajun ngai kainxin chujni thi techuna, chrintho ko kain thi rugundeʼena” (Hechos 17:25, 28). Mexinxin, Jehová thi chjaaná kain thi rugundaana para nchao sunthechuna. Ko jiʼa juʼo yaa, jeʼe ncheʼe ke kai chrjuin tsunuana ixi techuná (tsjeʼe Hechos 14:17).
2. Kexrein nchao tsjaguená Jehová ke nthurenthena juajni de techuná
Desde are ubegariʼi ngaa tseʼe janaantha, Jehová ubikuntha. Ixi nchauʼen Dio, naa ni nchexree diʼin David ndachro jiʼi ngai naa thenchaun: “Mákun bikuna are nandaʼa rukexiʼin rukunchjiana ngaa tseʼe janana” (Salmo 139:16). Suixin anto renthentha para Jehová (tsjeʼe Mateo 10:29-31). Ko jeʼe anto thiin are naa chujni tadu̱en inaana, o ke tasuan suicidado (Éxodo 20:13). a Kai anto rukiin si jaʼuna sakeʼená en peligro vidaana o sayakuʼená videe ni icha. Are dayakuʼená vidaana ko videe ni icha, tjaguná ke nthurenthena juajni anto renthe ke bayeená, thi techuná.
TANGI ICHA
Tsanginá kexrein nchao tsjaguná ke nthurenthena juajni de techuná.
3. Detsjeʼe ke sekuniaʼan
Ni nchexree Jehová ndachena ke sithikauna thi jeʼe ndachro ko sinchegundana videena ínchi jeʼe rinao. Xrajuna nguina ngai Ndo Dio xraa si rukji naa sacrificio, ko mexinxin chunda ke sayakuʼena. Tsjeʼera Romanos 12:1, 2 ko tjaura de jiʼi:
-
Unda ixi setsjeʼe ke sekuniaʼan.
-
Kexrein nchao sencheʼe jiʼi.
4. Degayakuʼen vidaantha ko videe ni icha
Biblia ndathjuná ke sakeʼaná en peligro vidaana o videe ni icha. Tsjeʼera VIDEO ko detsjeʼe kexrein nchao sencheʼe jiʼi.
Tsjeʼera Proverbios 22:3 ko tjaura de kexrein naa chujni nchao sikao cuidado. . .
-
. . . ngai nchianduʼa.
-
. . . ngai thi ncheʼe xrá.
-
. . . are sitsuntaun.
-
. . . are tsji ngaa carro.
5. Degayakuʼen videe naa xan xra duaʼan
David anto chrjuin nichja de thi tunuʼen Jehová ixi naa xan nandaʼa jitunchjian ngaa tseʼe janee xan. Tsjeʼera Salmo 139:13-17 ko tjaura de jiʼi:
-
Para Jehová, kesa thexiʼin decho naa chujni: are uduan, ani are janee tadeyaa jan.
Thi ley ke Jehová bajun ngai rajna Israel bagayakuʼen ni teyaa chjan ko chjan ke teyaana. Tsjeʼera Éxodo 21:22, 23 ko tjaura de jiʼi:
-
Kexrein bagikuʼen Jehová si naa chujni por accidente tarugu̱en naa xan xra duaʼan.
-
Anchee aremee, kexrein tsunuʼen si naa chujni tasu̱en xan a propósito. b
-
Mee suixin, kexrein degikuʼen thi xraxaun Dio.
Asta naa ni teyaa chjan ke ncherenthe thi techuná menxun siji ruxraxaun ke nchao sankajin xeʼen. Tsjeʼera Isaías 41:10 ko tjaura de jiʼi:
-
Si naa thi nchrii anto rundachena ke sankajin xeʼen, kensen nchao sanchieʼe ke tsengijna. Unda.
THI XRAXAUN INCHINA: “Jaʼan nchao tsinchaa thi jaʼan rinaʼo sinthaʼa. Ko nchao rundachrjan a sankajin xan ani naʼi”.
-
Kexrein denuanxin suixin ke Jehová ncherenthe videe naa nchri yaa chjan ko chjan ke jiyaa nchra.
THI KUANGINÁ
Thi techuná yaa naa juajni ke chjaaná Jehová. Biblia tjaguaná ke sunthurenthena, sayakuʼená ko ruthjueʼená vidaana ko videe ni icha.
A xraxaun thi kuangi
-
Kexrein nuanxina ke Jehová ncherenthe vidaana.
-
Kexrein tunuʼen Jehová are naa chujni jeʼo taduan suicidado o tadu̱en inaa chujni.
-
Keʼe thi icha denthaxruxiʼan ixi techuná.
THJEE ICHA
Kexrein nchao ruchjeená juasaya Jehová ixi techuná.
A nchao sinchetjañeʼe Jehová naa thi nchrii ke bankajin chjan are saʼo.
Detsjeʼe keʼe chunda ke sikun thi xraxaun Dio de thi techuná ngai thi thincheʼená para suanxiná divertido.
“¿Se justifica la participación en los deportes de riesgo?” (¡Despertad!, 8 de octubre de 2000)
Ko mee si naa chujni xraxaun tasuan suicidado. Detsjeʼe kexrein nchao tsengijna Biblia.
“¿Puede ayudarme la Biblia si ya no quiero vivir y he pensado en suicidarme?” (Artículo de jw.org)
a Jehová anto ta juachjaun ixi thi ni anto jithiin anseen (Salmo 34:18). Jeʼe thinxin keʼe tunuʼen thi ni rinao tasuan suicidado ko rinao tsengijna thi ni jaña tunuʼen. Detsjeʼe kexrein thengijnani consejo ke dajun ngai artículo “¿Puede ayudarme la Biblia si ya no quiero vivir y he pensado en suicidarme?”, ke dikiaʼo sección “Thjee icha” ngai lección jiʼi.
b Thi ni kuincheʼe bankajin chjan saʼo de rukangina i chundaʼa ke sincheniʼina yaa; Jehová rinao sinchetjañeʼena. Nchao sekunuʼan icha de tema jiʼi ngai artículo “¿Qué dice la Biblia sobre el aborto?”, ke dikiaʼo sección “Thjee icha” ngai lección jiʼi.
