LECCIÓN 41

Keʼe ndachro Biblia de thi diʼin sexo

SÍKUNI O TSI̱ʼINI NGAI THÁ

Anto tsje chujni tusueena nichjana de sexo. Aro, are Biblia nichja de jiʼi, ndakua nthakianxiná ko ncherenthe. Thi ndachro de jiʼi yaa anto renthe. Ko jaan jaña jixin, ixi Biblia thixin de Jehová, thi juinthachjianá ko nuʼen keʼe thi icha jian para jaʼana. Jeʼe tjaguaná kexrein sunthuʼuna ke ruchee kunixin thi nthuʼuna ko keʼe tsengijnaná para ke sunthechuná anto see.

1. Kexrein dikuʼen Jehová thi diʼin sexo

Jehová bajun naa juajni ngai ni xii ko ni nchrii ke tekaʼo chuo ko yaa ke nchao sinthejuakaʼo chuuna. Ko juajni jiʼi jiʼa juʼo para ke nchao sechundana chjan, kai para tsjague chuuna ke anto thjueʼe chuuna ko chrjuin tsunuʼena, aro ndakua sexin. Mexinxin Thee Dio ndachro: “Ke thi chrjuin tsunuʼan juʼo sinchii ngai chriʼa” (Proverbios 5:18, 19). Jehová chuʼen ke ni cristiano dikutheʼe sincheyeʼana ni tekaʼuna. Mexinxin naa ni cristiano sejuakauʼa inaa chujni ke jiʼa chriʼi o xixiʼi (tsjeʼe Hebreos 13:4).

2. Keʼe mee thi thjuáʼa ncheʼeni

Biblia tjago ke “chujni ke ncheʼe thi thjuáʼa [. . .] sixiʼana ngai Nchixiʼin Dio” (1 Corintios 6:9, 10). Palabra juinchegunda ni kji̱n Biblia are níchjana de thi thjuáʼa ncheʼeni ngai tha griego yaa pornéia. Palabra jiʼi ruchro 1) thi dejuakaʼo chuo ni tekauʼa chuo, a 2) ni xii dejuakaʼo inaa xii ko ni nchrii dejuakaʼo inaa nchrii ko 3) thi dechundakaʼuna relación uxigo. Are nthuʼana kain thi thjuáʼa jiʼi, nthuʼuna ke Jehová ruchee ko dayeená anto tsje thi jian (1 Tesalonicenses 4:3).

TANGI ICHA

Rutsjeʼená keʼe nchao sencheʼe suixin para ke sencheʼa thi thjuáʼa ko kekaa segayeʼe ixi thjua segariʼi moralmente.

3. Dencheʼa thi thjuáʼa

Naa xii biʼin José ke anto bithikaun Dio tanuinka juincheʼe para thjua beʼe moralmente. Tsjeʼera Génesis 39:1-12 ko tjaura de jiʼi:

Unda sakuinga José (Tsjeʼera versículo 9).
A dexraxaun ke José juincheʼe thi nchao jii. Unda.

Kexrein nchao sincheʼe xaxii xraa José ko satsingeʼe xan thi thjuáʼa ncheʼeni. Tsjeʼera VIDEO.

VIDEO: Sathingeʼe thi thjuáʼa (5:06)

Jehová rinao ke ni naaná sunthuʼana thi thjuáʼa. Tsjeʼera 1 Corintios 6:18 ko tjaura de jiʼi:

Keʼe nchao sincheʼe ke naa chujni sincheʼe naa thi thjuáʼa.
Kexrein nchao sasekingeʼe thi thjuáʼa ncheʼeni.

4. Suixin nchao sekixiʼan sencheʼa thi thjuáʼa

Kekaa sincheʼe ke icha daka sunthetsingana ngai thi thjuáʼa. Tsjeʼera VIDEO ko tjaura de jiʼi:

VIDEO: Si sunthunichjana Biblia sunthetsingaʼana ngai thi jiaʼan (3:02)

Are thi chuuná de video bikun ke thi jixraxaun ko thi jincheʼe nchao runcheʼe ke runcheyeʼe chriʼi, keʼe juincheʼe.

Asta thi ni anto jian tencheʼe xree Dio te bee chunda ke tanuinka sincheʼena para ke thjua seʼe juaxraxauena. Keʼe nchao sencheʼe suixin para ke sexraxauʼan thi thjuáʼa. Tsjeʼera Filipenses 4:8 ko tjaura de jiʼi:

Ngai keʼe thi chunda ke ruxraxauná.
A jaan degithikaun ke si sunthunichjana Biblia ko tsinthueʼaná de sunthuʼuna xree Jehová icha tángiʼa tsunuana tsixiana sunthuʼana thi thjuáʼa. Unda.

5. Thi thetuaná Jehová yaa para jian tsjiana

Jehová nuʼen keʼe thi jian para jaʼana. Mexinxin ndathjuná kexrein sunthuʼuna para ke thjua sunthena moralmente ko kekaa thi jian thiaʼo jiʼi. Tsjeʼera Proverbios 7:7-27 ko tsjeʼera VIDEO. Kuthejan tjaura de jiʼi:

VIDEO: Thi ninthiaka ncheʼe ndakuaʼa tsjiʼi (9:31)

Kexrein sabixinthe xaxii jiʼi ngai naa chijni anto tángi (Tsjeʼera Proverbios 7:8, 9).
Ínchi ndachro Proverbios 7:23, 26, are ncheʼeni thi thjuáʼa thiauʼeni tsje thi tángi. Kekaa chijni sathuʼaná si thjua sunthena moralmente.
Kexrein thengijnaná thi thjua sunthena moralmente para ke sunthechuna anto see.

Inchina xraxauna ke thi ndachro Biblia de homosexualidad tjago ke Dio thjueʼa kain chujni. Aro Jehová yaa Dio ke thjuaaná kainá ko rinao ke kainxin chujni sinthechuna anto see. Aro, para sayeená juajni yaa chunda ke sunthuʼuna thi jeʼe thetuʼan. Tsjeʼera 1 Corintios 6:9-11 ko tjaura de jiʼi:

A para Jehová juʼo homosexualidad thi ndakuaʼa jii.

Para sunthuʼuna thi rinao Dio, kainxiná chunda ke sasengixiná thi nthuʼuna. A ko renthe ke sunthuʼuna jiʼi. Tsjeʼera Salmo 19:8, 11 ko tjaura de jiʼi: