LECCIÓN 43
Ni nchexree Dio ko thi diʼini
Nguixin ngataʼa nunthe, chujni jejee dikuʼena thi diʼini ke chunda alcohol. Inchina dikaʼuna ni jian xrakauna aro juʼo te bee. Ko ichana ninchi diʼana. Ko te thi ni anto diʼi ke asta taku̱ana. Keʼe ndachro Biblia de jiʼi.
1. A nchauʼa jii ke siʼini
Biblia ndachruʼa ke nchauʼa jii siʼini thi jiyaa alcohol. Icha jian, Thee Dio ndachro “vino ke ncheʼe ke chee anseen chujni” jii ngakjan juajni ke chjaana Jehová (Salmo 104:14, 15). Kai, Biblia nichja de ni nchexree Dio ke bagiʼina thi jiyaa alcohol (1 Timoteo 5:23).
2. Keʼe ndachro Biblia para thi ni thincheʼe diʼi thi chunda alcohol
Jehová dingakuʼen thi ku̱ani, ko kai thi anto yee diʼini (Gálatas 5:21). Biblia ndachro: “Dariʼa ngakjeen chujni ke anto yee vino diʼi” (Proverbios 23:20). Mexinxin, si tsincheʼená suʼuna thi jiyaa alcohol, jaʼuna o ngakjeen ni icha, chundaʼa ke anto yee suʼuna, asta ke ninthiaka sunthuʼuna, o i ndakuaʼa ruxraxauná. Kai dantuʼa yee suʼuna si nuana jian ke jiʼi tasinthanianá. Si thixiaʼana ko rinaunkaná yee suʼuna, icha jian xruʼin suʼuna.
3. Kexrein tjaguná ke nthurespetaana thi thincheʼe ni icha
Nanaaná tsincheʼená a suʼuna ani naʼi. Ko chundaʼa ke runichjakuakana de ni jaan diʼi inchi. Kai sunthuʼana ke ni icha siʼina si undachruna ke naʼi (Romanos 14:10). Kai duʼana si ni te ngandajiná dikuʼena ke ndakuaʼa jii (tsjeʼe Romanos 14:21). Ixi nuana, ke naa ni cristiano thjeʼa “thi jian para jeʼo, icha jian kai para ni icha” (tsjeʼe 1 Corintios 10:23, 24).
TANGI ICHA
Rutsjeʼená inchi thi ndua ke tjago Biblia ke sekengijna sekincheʼe a segiʼi ani naʼi, ko kexrein yexin. Rutsjeʼená kai keʼe nchao sekengijna si dejinao sekinthuʼe de segiʼi.
4. Dekincheʼe a segiʼi ani naʼi
Keʼe baxraxaun Jesús de thi diʼini thi jiyaa alcohol. Para sekunuʼan, rutsjeʼená milagro ke juincheʼe saʼo. Tsjeʼera Juan 2:1-11 ko tjaura de jiʼi:
-
Keʼe tjaguaná thi ndachro nthiʼi de kexrein dikuʼen Jesús thi diʼini ke jiyaa alcohol ko de ni jaan diʼi.
-
Ixi Jesús ndachruʼa ke nchauʼa jii ke siʼini thi jiyaa alcohol, keʼe ruxraxauná de ni cristiano ke jaan diʼi.
Maski naa ni cristiano jaan nchao siʼi inchi, jiʼi ruchruʼa ke nchao siʼi kainxin bee ke tsiakuʼen o sinchenthuxiʼina. Tsjeʼera Proverbios 22:3 ko tjaura si nchao segiʼi are:
-
Suixin segeka naa carro o naa máquina.
-
Reyaʼa chjan.
-
Xi nchexruan ndathjuntha ke siʼantha thi yaa alcohol.
-
Si dekixiaʼan ko dejinaunka yee segiʼi.
-
Si ngai rajnaantha jii ley de chruʼa siʼini.
-
Tentha ngai naa chujni ke i diʼa, ixi are saʼo bechunda vicio jiʼi.
A nchao segajun siʼina thi jiyaa alcohol ngai naa juaxruxin segarichunda. Para ke sekunuʼan kekaa chunda ke sexraxaun, tsjeʼera VIDEO.
Tsjeʼera Romanos 13:13 ko 1 Corintios 10:31, 32. Are utsjexin sincheleera nanaa texto, tjaura de jiʼi:
-
Kexrein nchao tsengijnantha thi ndua ke ndachro nthiʼi para ke sekincheʼe thi sincheʼe ke Jehová ruchee.
Nanaa ni cristiano tsincheʼena a jaan siʼina thi jiyaa alcohol ani naʼi. Menxun te bee rundachruna ke jaan aro te bee rundachruna ke naʼi.
5. Dekincheʼe kexrein yexin segiʼi
Si sekincheʼe ke jaan segiʼi, dexraxaun ke, maski Jehová ndachruʼa ke nchauʼa jii suʼuna, nchexruxiʼan ke anto yee siʼini. Unda. Tsjeʼera Oseas 4:11, 18 ko tjaura de jiʼi:
-
Keʼe nchao tsuʼen si naa chujni anto yee siʼi.
Keʼe nchao tsengijnaná para sunthugathueʼana de suʼuna. Chunda ke tsaiʼan ñauná ko ruxraxauʼaná ke xra tsixiana suʼuna icha. Tsjeʼera Proverbios 11:2 ko tjaura de jiʼi:
-
Unda ixi chunda ke sekunuʼan kexrein yexin segiʼi.
6. Tadekinthuʼe vicio
Detsjeʼe keʼe kuengijna naa thi xii takuinthuʼe vicio. Tsjeʼera VIDEO ko tjaura de jiʼi:
-
Kexrein bancheʼe Dimitri are baku̱an.
-
A jikua takuinthuʼe vicio.
-
Keʼe kuengijna para nchao takuinthuʼe de biʼi.
Tsjeʼera 1 Corintios 6:10, 11 ko tjaura de jiʼi:
-
A jaan anto jiaʼan ku̱ani. Unda.
-
Kexrein nuanxina ke naa ni chunda vicio jaan nchao tatsinthuʼe de siʼi.
Tsjeʼera Mateo 5:30 ko tjaura de jiʼi:
-
Kunixin ejemplo ke juinchegunda Jesús de tsadeni raani, jeʼe juinao rukjago ke te bee chunda ke sasengixini o tsinthuʼeni thi nchexruxiʼini para ke ndakua sintheni ngathe kun Ndo Dio. Si suixin dejinao sekinthuʼe vicio jiʼi, kekaa chunda ke sencheʼe. a
Tsjeʼera 1 Corintios 15:33 ko tjaura de jiʼi:
-
Keʼe tsuʼen si suixin sekato thi ni anto yee diʼi.
THI DANCHANGI INCHINA: “A na nchauʼa jii ke siʼini”.
-
Keʼe ruendachro suixin.
THI KUANGINÁ
Jehová chjaaná thi chunda alcohol para ke chrjuin sinthakunuana, aro jeʼe dingakuʼen thi ku̱ana ko kai thi anto yee diʼini.
A xraxaun thi kuangi
-
Keʼe ndachro Biblia de thi diʼini ke chunda alcohol.
-
Kekaa chijni thiaʼo thi anto yee diʼini.
-
Kexrein tjaguná ke nthurespetaana thi thincheʼe ni icha de thi diʼini ke chunda alcohol.
THJEE ICHA
Keʼe chunda ke ruxraxaun xaxii are tsincheʼe xan a siʼi xan thi yaa alcohol.
Detsjeʼe keʼe nchao sencheʼe para ke nchao sekinthuʼe vicio.
“Cómo mantener a raya el alcohol” (La Atalaya, 1 de enero de 2010)
A nchao jii ke ni cristiano sinchebrindaana
“Preguntas de los lectores” (La Atalaya, 15 de febrero de 2007)
Denchelee kexrein naa thi xii takuinthuʼe de biʼi. “Era un barril sin fondo”.
“La Biblia les cambió la vida” (La Atalaya, 1 de mayo de 2012)
a Chujni ke chunda vicio jiʼi te bee rugunda ke tsengijnana xi nchexruan. Tsje xi nchexruan ndachro xa ke thi ni utakuinthuʼe jiʼi i chundaʼa ke rukjan siʼina.
