Jehová rinao ke chrjuin tsunuana ko ke te bee sunthuchjiana inchi juaxruxin. Aro, a ndakua dikuʼen Dio kain juaxruxin. Kexrein nchao tsjaguná ke rinauná ko ke nthurenthena thi jeʼe tunuʼen.

1. Unda ixi Jehová ndakuaʼa dikuʼen inchi juaxruxin

Menxun asta segiseʼen sekunuʼan ke tsje de juaxruxin teʼi thixin de ni pagano o ke diachrjexiʼan de thi tjago ngaa Biblia. Ko kai, menxun chunda ke sikun ngai religión tjago thi nduaʼa, ke chunda ke sikun ngai ocultismo o dithikauna ke almeeni de̱ʼan. Kai, inchi de jiʼi digachrjexin ngai superstición o ixi xraxauna ke jaña ruchundana suerte (Isaías 65:11). Ko mexinxin Jehová ndache jiʼi ni nchexree: “Dachrjendara [. . .] ko thinthuʼera de kathera thi thjuáʼa” (2 Corintios 6:17). a

2. Keʼe xraxaun Jehová de juaxruxin ke dakeʼena para nchegangina chujni

Jehová ndathjuná ke sunthuʼana xraa chujni ke “chunthia juʼo ngai chujni”, ixi jiʼi naa nunchaʼa (tsjeʼe Jeremías 17:5). Inchi juaxruxin dakeʼena yaa para nchesayeʼena xi nchixin o ni be̱ʼen ixi rajnee. Ko icha para nchesayeʼena símbolo de rajneena o kiee rajna (1 Juan 5:21). Kai te thi ni ruee política o movimiento social. Si anto sunthugangina naa chujni o naa organización, ke tjaguʼa thi rinao Ndo Dio, kexrein dexraxaun ke tsunuʼen Ndo.

3. Kekaa ncheʼena ngai naa juaxruxin ke Ndo Dio nchexruxiʼan

Biblia ndachro ke “thi anto yee diʼini”, “thjini juaxruxin ke ndakuaʼa thjexinxin” o “juʼo thjini para ku̱anxini”, jiʼi ndakuaʼa jii (1 Pedro 4:3). Ngai inchi juaxruxin, chujni i ndakuaʼa ncheʼena ko thexiʼina ncheʼena thi thjuáʼa. Si rinauná xra jian ruxrakjiuʼuná Jehová, tanuinka sunthuʼuna de thjua sunthena.

 TANGI ICHA

 5. Tanuinka dencheʼe para ke ni icha sincherespetaana thi retangi

6. Jehová rinao ke ruchaana

Jehová nchexruxiʼin ke chrjuin sathukuʼuna ni nchianduina ko ni jian xrakjiuʼuná. Tsjeʼera Eclesiastés 8:15 ko tjaura de jiʼi:

• Kexrein tjago versículo jiʼi ke Jehová rinao ke jaʼana kai ruchaana.

Jehová kai rinao ke ni nchexree suana divertido ko ke sathukaʼo chuuna tachrjuin are ruxrathena. Tsjeʼera VIDEO para ke sikunra kexrein xrago jiʼi ngai naa asamblea internacional.

Tsjeʼera Gálatas 6:10 ko tjaura de jiʼi:

• A rugunda ruchuʼená naa juaxruxin para sunthuʼuna thi jian ixi ni icha.

• Keʼe juajni icha denthaxruxiʼan segajun: a thi chunda ke segajun ixi jaña ncheʼena ngai naa juaxruxin, ani ixi dachrjexin de ngai ansaantha.

• Tsje ni testigo thjeena chrjuin sathukaʼuna xeʼena ko asta chjeena xan juajni. Si suixin rechunda chjan, keʼe nchao ruencheʼe ixi jeʼe xan.

 THI KUANGINÁ

Jehová rinao ke chrjuin sathukuʼuná ni nchianduina ko ni jian xrakjiuʼuná, aro rinauʼa ke tsjiná ngai juaxruxin ke jeʼe nchexruxiʼan.

A xraxaun thi kuangi

• Kekaa thi chunda ke sanchanginá para tsunuana si Jehová nchexruxiʼin naa juaxruxin.

• Kexrein nchao tsengijnaná ni nchianduina ko ni jian xrakjiuʼuná para tsinxina unda ixi i thjiʼaná kaxi juaxruxin.

• Kexrein nuana ke Jehová rinao ke ruchaana ko ke suaná divertido.