Ni jian xrakjiuʼuná nchao sincheʼena ke icha ruchaana. Ko, are thengijnanána, icha tángiʼa dathujiná chijni ke dutana. Aro, a denuʼan. Biblia ndachro ke jiʼa kainxin chujni nchao jian ruxrakjiuʼuná. Anche remee, kexrein nchao sekincheʼe ni jian sexrakjiuʼo. Detsjeʼe thi xranchangi teʼi.

1. Kexrein dasengixin thi nthuʼuna ni tatuná

Tsje bee tanthuʼuna jaña xraa thi ni tatuná, para sunthuʼuna thi jian o thi jiaʼan. Ko yaa dixiʼin thi ni jii chiaun de jaʼana ko thi ni datsuaná ngai redes sociales. Biblia ndachro: “Ni tato chujni thincheʼe jian keʼe sincheʼe kai jeʼe jaña tangi, aro thi tato chujni ke ndakuaʼa ncheʼe [chujni ke thjueʼa Jehová] jiaʼan tsjiʼi” (Proverbios 13:​20). Ni tatuná ke thjueʼena ko nchesayeʼena Jehová nchao tsengijnanána para ke chiaun sunthena de jeʼe Ndo ko ndakua tsincheʼená thi sunthuʼuna. Aro, si suixin anto dekato chujni ke teʼa ngai rajnee Jehová, jiʼi sincheʼe ke tasekunkjin de jeʼe Ndo. Mexinxin Biblia ndathjuná ke tsincheʼená ni jian ruxrakjiuʼuná. Are ni jian xrakjiuʼuná kai thjueʼena Dio, kainxiná jian thjianá. Ko jaña nchao suthikauna thi ndachro nthiʼi: “Thinthueʼara de thengijna chuura ko nchesuji chuura naara ko inaara” (1 Tesalonicenses 5:​11).

2. Keʼe xraxaun Jehová de ni jian dexrakjiuʼo

Jehová anto jian thincheʼe chujni ke ruxrakao. Ko, “xrakao jian thi ni ndakua ncheʼe” (Proverbios 3:​32). Kexrein rukunuʼen Jehová si rukatuná chujni ke thjueʼana Ndo. ¡Anto taruechiin Ndo! (Tsjeʼe Santiago 4:4). Aro, si tsatuʼaná ni ncheʼe thi jiaʼan ko tsuncheená ngai Ndo ko ngai thi ni thjueʼe Ndo, Jehová anto ruchee ko kai jian ruxrakjiuʼuná Ndo (Salmo 15:​1-4).

 TANGI ICHA

4. Nchao ruxrakjiuʼuná jejee ni chuuná

Biblia nichja de yuo ni israelita, David ko Jonatán. Maski jejee nano bechundana ko jejee bancheʼena, kayui ni teʼi anto jian baxrakao chuuna. Tsjeʼera 1 Samuel 18:1 ko tjaura de jiʼi:

• Unda ixi rugundaʼa ke ni ruxrakjiuʼuná ruchundana tumi o xrajuʼo nano ke jaʼana.

Tsjeʼera Romanos 1:​11, 12 ko tjaura de jiʼi:

• Kexrein thengijna chuo ni jian xrakao ko thjueʼe Jehová.

Kexrein bithja naa xaxii ni jian ruxrakao xan. Tsjeʼera VIDEO ko tjaura de jiʼi:

• Unda ixi baka juachjaun ni nduʼa Akil ixi thi xan baxrakao ngai escuela.

• Unda banchexruxiʼin Akil bakato xan teʼi.

• Keʼe juincheʼe para ke i jiʼa jeʼo rukunuʼen.

 5. Kexrein nchao seginchii ni jian sexrakjiuʼo

 THI KUANGINÁ

Are ndakua thincheʼená ni jian ruxrakjiuʼuná, jian thjiana ko nthuʼuna ke Jehová ruchee.

A xraxaun thi kuangi

• Unda rinao Jehová ke ndakua tsincheʼená ni jian ruxrakjiuʼuná.

• Kexeʼe ni chundaʼa ke ruxrakjiuʼuná.

• Kexrein nchao senchesuji thi jian dexrakjiuʼo ni thjueʼe Jehová.