Xro cristianoná nunana jian ke xruʼin naa thi rukayakunaná para sinthasayaana Jehová. Ko nunana jian ke kai suixin jaña dekunuʼan, ko thi suixin degithikaun anto ncherenthe Jehová (tsjeʼe 1 Crónicas 28:9). Ínchi kekaa thi tángi segetan ke sincheʼe ke i segithikauʼan Ndo Dio. Ko kexrein sencheʼe para ke segathujin jiʼi.

1. Ínchi keʼe nchao sincheʼe ni icha para ke suixin i segithikauʼan Jehová

Sinthe inchi chujni ke sincheʼe ke tatsinthuʼená de sunthusayeʼena Jehová. Kensen sincheʼe yaa. Ínchi, ni takuinthuʼe thi ndua ko jai nichjana juxun thi nduaʼa de rajnee Dio para ke jaʼana i ruchunthiaʼaná. Chujni teʼi diʼina apóstata. Kai te thi ni ditauʼen nthiʼa icha religión ke nichjana thi nduaʼa de jaʼana para ke thi ni nandaʼa tethexinxin tatsinthuʼena thi ndua. Nchauʼa jii ke tsetukuʼuna ni dingakuʼen rajnee Dio, sunthuleena libroena, suxiʼina ngai página de Internet o rutsjeʼená video ke dantsjena. Ko anxun ke thenichjaná de ni teʼi ke thjeena ke i suthikauʼana Jehová, Jesús ndachro de jeʼena: “Tanchrjandarana. Chejuna ko jaña rinauna tsjaguna. Aro, si naa thi chejo rinao sikao inaa thi chejo, kayui setsingaa thue” (Mateo 15:​14).

Aro keʼe tuʼen are naa ni chunxiná thincheʼena ke i rinauʼana siʼina testigo de Jehová. Are naa ni chunxiná ncheʼe jiʼi, jiʼi anto nthanianá. Chujni mee menxun sincheʼe ke tsincheʼená: a jeʼe ani Jehová. Ko jaʼana chunda ke tsjaguná ke suthikauna Jehová ngai kainxin (Mateo 10:​37). Mexinxin duthikauna thi kuetuʼan Jehová de tsatuʼaná chujni teʼi (tsjeʼe 1 Corintios 5:​11).

2. Kekaa thi tsincheʼená sunthuʼuna tsjago ke duthikauna Jehová

Ixi thjueʼená Jehová, rinauʼaná sunthuʼuna ninaa thi chunda ke sikun ngai religión tjago thi nduaʼa. Ni ngai xraana, ni ngai naa organización ke tetaxiná, ni ngai kexeʼo thi sunthuʼuna chundaʼa ke suxinthena ngai religión tjago thi nduaʼa. Jehová ndache jiʼi rajnee: “Dachrjexinra de yaa”, jiʼi ruchro, de Babilonia rajna jie (Apocalipsis 18:​2, 4).

 TANGI ICHA

3. Dekanchrjandaʼa ke ni tjago thi nduaʼa senthayaʼana

Keʼe sunthuʼuna si tsiʼiná ke tenichjana jiaʼan de rajnee Jehová. Tsjeʼera Proverbios 14:15 ko tjaura de jiʼi:

• Unda chunda ke sunthena ruxraxauná ko suthikauʼana kain thi tsiʼiná.

Tsjeʼera 2 Juan 10 ko tjaura de jiʼi:

• Kexrein chunda ke sunthutrataana ni apóstata.

• Jaan ndua, menxun nichjeʼanána; aro, kexrein ndanda ko ndanda taruxraxauná xraa jeʼena.

• Si tsiʼiná thi jiaʼan ke nichjana de Jehová ko de rajnee, kexrein tsunuʼen Ndo.

4. Degithikaun ko dekinthueʼa Jehová are naa ni chuuná sincheʼena naa thi jiaʼan

Si tsunuaná ke chrujan ni chuuná de ngai congregación dincheʼe naa thi jiaʼan, keʼe thi chunda ke sunthuʼuna. Detsjeʼe naa thi ndua ke tjago Biblia ke jii ngai Ley ke Dio chjee ni isrealita. Tsjeʼera Levítico 5:1.

Ínchi ndachro versículo jiʼi, si kunuaná de naa ni chuuná ke juincheʼe naa thi jiaʼan, chunda ke tsekiiná ni anciano thi jaʼana nuana. Aro, saʼo de jiʼi, chunda ke rundachená thi ni juincheʼe thi jiaʼan ke jeʼena ni tsekiin ni anciano ko rundachruna thi juincheʼena. Aro, si sincheʼa, jaʼana, ixi duthikauna Jehová, chunda ke rundachená ni anciano. Unda jaña tjaguxiná ke thjueʼená…

• ... Jehová.

• ... thi ni juincheʼe thi jiaʼan.

• ... ngui congregación.

 5. Tunkjinra de Babilonia rajna jie

 THI KUANGINÁ

Si rinauʼaná tsinthuʼená Jehová, chundaʼa ke tsatuná chujni ke takjantaʼa Ndo. Ko, chunda ke tatsinthuʼena kain thi chunda ke sikun ngai religión tjago thi nduaʼa.

A xraxaun thi kuangi

• Unda chundaʼa ke rutsjeʼená, sunthuleena o tsiʼiná thi ndachro ni apóstata.

• Kexrein chunda ke sunthutrataana thi ni i rinauʼa siʼin testigo de Jehová.

• Keʼe chunda ke sunthuʼuna para suthikauna ko tatsinthuʼená religión tjago thi nduaʼa.