Jesús ndachro ke chujni de jian anseen nchao rugatsuana thi ndua (Juan 10:4, 27). Mexinxin rinauná tsjaguená kainxin chujni ke nichjeená thi ndua ke tjago Biblia ke tangiʼa thinxini. Nchao tsexinxiná rundachenána “A benuʼa ke...” o “A chrujan bee bekiʼin ke...” ko kuthejan rundachruná naa thi ndua ke tjago Biblia. Kuthejan nchao sundaana naa texto de ngaa Biblia ke nichja de yaa. Are tjaguená chujni naa thi ndua ke tángiʼa tsinxini yaa xraa si rukenganá naa tsee ngai anseena. ¡Ko Ndo Dio nchao sincheʼe ke tsee yaa sangi! (1 Cor. 3:6, 7).

•  Nchaʼun nandaʼa tsii

•  Familia

•  Dio

•  Thenchaun

•  Jesús

•  Nchixiʼin Dio

•  Thi tángi dutana

•  Thi tade̱ʼeni

•  Religión

 NCHAʼUN NANDAʼA TSII

1. 1. Thi jituʼen jai ko thi ncheʼe chujni tjago ke kain jiʼi utuin tasixingixin (Mat. 24:3, 7, 8; Luc. 21:10, 11; 2 Tim. 3:1-5).

2. 2. Nunthe jiʼi sitjaʼan (Sal. 104:5; Ecl. 1:4).

3. 3. I seʼa thi tángi ke jii ngai medioambiente (Is. 35:1, 2; Apoc. 11:18).

4. 4. I xruʼin kensen tsuniʼin ngai nchaʼun tsii (Is. 33:24; 35:5, 6).

5. 5. Suixin nchao segarichun anto see ngataʼa Nunthe ko i sege̱ʼan (Sal. 37:29; Mat. 5:5).

 FAMILIA

1. 6. Tatita chunda ke ruthjueʼe nanitee “ínchi thjueʼe nthauʼe” (Efes. 5:33; Col. 3:19).

2. 7. Nanita chunda ke sincherespetaa tatitee (Efes. 5:33; Col. 3:18).

3. 8. Ni tekaʼo chuo chundaʼa ke sincheyeʼe chuuna (Mal. 2:16; Mat. 19:4-6, 9; Heb. 13:4).

4. 9. Kain chjan ke dithikaun ko ncherespetaa ni nduʼe jian tsjiʼi xan (Prov. 1:8, 9; Efes. 6:1-3).

 DIO

1. 10. Dio chunda nombre (Sal. 83:18; Jer. 10:10).

2. 11. Dio chunda naa juajna anto renthe para jaʼana (2 Tim. 3:16, 17; 2 Ped. 1:20, 21).

3. 12. Dio denduaxin ncheʼe jie ko thincheʼa chujni (Deut. 10:17; Hech. 10:34, 35).

4. 13. Dio rinao tsengijnaná (Sal. 46:1; 145:18, 19).

  THENCHAUN

1. 14. Dio rinao ke sunthuchjieʼena thenchaun (Sal. 62:8; 65:2; 1 Ped. 5:7).

2. 15. Biblia tjaguaná kexrein sakeʼená thenchaun (Mat. 6:7-13; Luc. 11:1-4).

3. 16. Nanao chunda ke sakeʼená thenchaun (Mat. 7:7, 8; 1 Tes. 5:17).

 JESÚS

1. 17. Jesús anto jian bakjago ko thi ndáchro xra thengijnaná jai (Mat. 6:14, 15, 34; 7:12).

2. 18. Jesús bajin thi jituʼen jai nchauana (Mat. 24:3, 7, 8, 14; Luc. 21:10, 11).

3. 19. Jesús yaa Xeʼen Dio (Mat. 16:16; Juan 3:16; 1 Juan 4:15).

4. 20. Jesús jiʼa Dio (Juan 14:28; 1 Cor. 11:3).

 NCHIXIʼIN DIO

1. 21. Nchixiʼin Dio yaa naa gobierno ke ujithetuʼan nthi̱ʼa ngajni (Dan. 2:44; 7:13, 14; Mat. 6:9, 10; Apoc. 11:15).

2. 22. Nchixiʼin Dio tasinthjian kain gobierno ke jii ngataʼa Nunthe (Sal. 2:7-9; Dan. 2:44).

3. 23. Juʼo Nchixiʼin Dio nchao tasinthjian kain chijni ke datho chujni (Sal. 37:10, 11; 46:9; Is. 65:21-23).

 THI TÁNGI DUTANA

1. 24. Jiʼa Ndo Dio thi ncheʼe ke dathuná thi tángi (Deut. 32:4; Sant. 1:13).

2. 25. Xi jiaʼan o Inchijin yaa thi thetuʼan Nunthe jiʼi (Luc. 4:5, 6; 1 Juan 5:19).

3. 26. Dio dikun thi tángi ke redatho ko rinao tsengijnantha (Sal. 34:17-19; Is. 41:10, 13).

4. 27. Utuin Dio tasinthjian kain thi tángi ke dutana (Is. 65:17; Apoc. 21:3, 4).

 THI TADE̱ʼENI

1. 28. Ni utabe̱ʼen i xruʼin keʼe tunuʼena ko i xruʼin thi tángi detana (Ecl. 9:5; Juan 11:11-14).

2. 29. Ni utabe̱ʼen i chruʼa tsengijnanána o sinthaanána chrujan thi jiaʼan (Sal. 146:4; Ecl. 9:6, 10).

3. 30. Ni chujnianá ke utabe̱ʼen rukjan singathjena (Job 14:13-15; Juan 5:28, 29; Hech. 24:15).

4. 31. “I se̱ʼaná” (Apoc. 21:3, 4; Is. 25:8).

 RELIGIÓN

1. 32. Jiʼa kainxin religión ncheʼe thi rinao Dio (Jer. 7:11; Mat. 7:13, 14, 21-23).

2. 33. Dio dingakuʼen ni kunxun ndachro ke nchesayeʼena Ndo (Is. 29:13; Miq. 3:11; Mar. 7:6-8).

3. 34. Ngai religión tjago thi ndua jaan thjueʼe chuuna (Miq. 4:3; Juan 13:34, 35).