Saʼo de sekangikuʼuna

1. 1. Deguan preparado jian. Dexraxaun ngai thi rugundeʼe, thi jidatho ko thi dithikaun ni dekangikuʼo. A jii chrujan thi tángi tsunuʼen tsinxin o sincheʼe. Detsjeʼe artículo ko video ke jii ngai sección “Thjee icha” ko dexraxaun kexrein tsengijna jiʼi ni dekangikuʼo. Jaña nchao senchegunda are sekangikuʼuna si rugunda.

Are utetangikuʼunthana

1. 2. Si ni dekangikuʼo sithuexina, degakee thenchaun are tsexiʼinra ko are tsjaʼara.

2. 3. Dantuʼa denichja. Denchegunda juʼo thi tununxin ngai lección tetangintha ko dekanchrjanda ke ni tetangi satheʼena.

3. 4. Are tsexiʼinra inaa sección, denchelee thi ndachro Thi dikiaʼo ko dendachro kexrein diʼin thuʼa lección.

4. 5. Are utsjaʼara sección, denchegunda thi diʼin A xraxaun thi kuangi para ke ni jitangi ruxraxauna thi ndua ke ukuangina.

5. 6. Are rutsjeʼera nanaa lección:

   1. Ncheleera thi dikiaʼo.

   2. Ncheleera kainxin texto ke ndachro “Tsjeʼera”.

   3. Ncheleera i kaxi texto ke tununxin ngai lección si rugunda.

   4. Degakee kainxin video ke ndachro “Tsjeʼera” (si nchao).

   5. Degakee kainxin thi xranchangi.

   6. Tsjeʼera kain dibujo ke thiaʼo sección “Tangi icha”.

   7. Denchegunda thi ndachro “A nchao sincheʼe jiʼi” para ke ni tetangi rutsjeʼena kekaa ujincheʼena. Dendachena ke nchao sakeʼena inchi meta. Ínchi thi tununxin ngai recuadro o inaa meta.

   8. Deganchangiʼina a chrujan artículo o video binchexruxiʼina ke jii ngai sección “Thjee icha” are guana preparado.

   9. Are sekji sekangikuʼuna, si nchao, dekangikuʼuna ngui naa lección.

Are tsjexin sekangikuʼuna

1. 7. Dexraxaun ngai ni dekangikuʼo. Deganchieʼe Jehová ke sinchenchaun thi ujincheʼena ko ke sechjaa sabiduría para nchao sekéngijnana.