DEKANGIKUʼUNA
LECCIÓN 10
Dencheʼe thi dendachro
Thi tjago Biblia: “Jaʼana anto rinaʼunra, ko jeuʼa thi jian juajnee Ndo Dio chjaʼara, kai nchao se̱ʼená ixi jaʼara. ¡Ko jaña thjuaxira!” (1 Tes. 2:8).
Thi juincheʼe Jesús
1. Detsjeʼe VIDEO o denchelee Juan 3:1, 2. Kuthejan degariʼi dexraxaun ngai thi xranchangi teʼi:
-
Unda ixi Nicodemo kunchee ngai Jesús are unaxixeʼe (detsjeʼe Juan 12:42, 43).
-
Ixi Jesús jaan bithuexin nichjee Nicodemo are unaxixeʼe, kexrein kjuago ke jaan juinao runchexethja xrá de rukjague chujni.
Keʼe tanginá de thi juincheʼe Jesús
2. Ixi thjueʼená chujni, tunuana ke jaʼana chunda ke sunthuʼuna thi ndachruná para sunthukueʼena chujni.
Dencheʼe xraa Jesús
3. Dekangikuʼuna ngai lugar ko hora ke jeʼena rundachruna. Kesa ko keʼe hora runchexruxiʼin ke tsanginá. Thino icha runchexruxiʼin rukangixiná: a ngai thi ncheʼe xrá, ani ngai nchianduʼe o ngai inaa lugar. Si nchao, dekji hora rundachruna.
4. Dekanchrjandaʼa sinchetjangina nchaʼun ke tangina. Si suixin chruʼa sekji, dendacheʼana ke tsangiantha nchaʼun yaa. Mee si dencheʼe naa de thi ndachro nthiʼi:
5. Degakee thenchaun para ke jaan sejinao sencheʼe. Deganchieʼe Jehová ke senthasuji para sencheʼe thi bendachro ngai ni dekangikuʼo. Jiʼi icha rugunda si chujni tangiʼa nanao o tángi tunuʼen ncheʼe thi jitangi (Filip. 2:13). Deganchieʼe Jehová ke sekengijna setsjeʼe thi cualidad chrjuin ke chunda ni dekangikuʼo. ¡Jaan chunda tsje cualidad!
