DEKEXIʼIN DENICHJEʼENA
LECCIÓN 2
Denichjeʼena xraa si uruechunxina
Thi tjago Biblia: “Anto nchao jii thi ndachro are mero rugunda” (Prov. 15:23).
Thi juincheʼe Felipe
1. Detsjeʼe VIDEO o denchelee Hechos 8:30, 31. Kuthejan degariʼi dexraxaun ngai thi xranchangi teʼi:
Keʼe tanginá de thi juincheʼe Felipe
2. Si runichjeenána xraa si urunchunxinána, menxun chujni ke tenichjeená ruchunthia ngajiná ko jaan sinao tsianá.
Dencheʼe xraa Felipe
3. Detsjeʼe kexrein ncheʼena. Keʼe tjaguaná de chujni ke tenichjeená thi jincheʼe ko kexrein nchekao ngakun. A tjago ke jaan rinao tsjuana. Para tángiʼa sekunuʼan senichjeʼena de Biblia nchao seganchangiʼina: “A benuʼa ke...”. Si naa chujni rinauʼa senichjeʼe, i xruʼin dendache.
4. Dechuʼen. Dexraxauʼan ke nthiʼi sekexiʼin senichjeʼena uchunda ke senichja de thi ndachro Biblia. Dechuʼen ko dekanchrjanda ke thinga yao tsununxin naa tema de Biblia. Menxun chunda ke sechuʼen asta inaa bee ke segetan chujni mee.
5. Degasengixin kexrein senichjeʼena. Menxun chujni sinao runichja de ijee tema. I denchegundaʼa thi bexraxaun ruendachena, icha jian degasengixin kexrein senichjeʼena ko denichja de thi taxin juachjaun chujni yaa.
