DEKEXIʼIN DENICHJEʼENA
LECCIÓN 3
Dencheʼe thi jian ngai chujni
Thi tjago Biblia: “Thi thjueʼe chujni […] ncheʼe thi jian ngai icha chujni” (1 Cor. 13:4).
Thi juincheʼe Jesús
1. Detsjeʼe VIDEO o denchelee Juan 9:1-7. Kuthejan degariʼi dexraxaun ngai thi xranchangi teʼi:
-
Keʼe juincheʼe Jesús saʼo: a juinchexrueʼen xi bagikuʼan, ani saʼo nichjee de juajna jian (detsjeʼe Juan 9:35-38).
Keʼe tanginá de thi juincheʼe Jesús
2. Menxun chujni icha sinao tsianá si sikun ke taana juachjaun ixi jeʼe.
Dencheʼe xraa Jesús
3. Dekinxiʼin thi tunuʼena. Deguan imaginado kexrein jitunuʼen chujni.
-
Deganchangi: “Ínchi kekaa thi taxin juachjaun. Ínchi keʼe sinchexruxiʼin o tsengijna”. Thi xranchangi teʼi sekengijna para sekjago ke denduaxin dejinao sekéngijnana.
-
Si chujni thexiʼin nichja de kexrein tunuʼen o thekiʼantha naa chijni jidatho, degasengixiʼan tema. Dekjago ke jaan dencherenthe thi jithekiʼantha ko dekiʼin jian thi rundachro.
4. Tachrjuin denichjeʼena ko ndakua. Are thukunueʼená naa chujni ko denduaxin rinauná tsengijnanána, yaa tjaguxiná ixi kexrein nichjeenána. Mexinxin detsjeʼe jian keʼe sendachro ko kexrein sendachro. Dendachruʼa naa thi sincheʼe ke sincheniʼina.
5. Dekéngijnana are rugundeʼena. Are nchao, dekéngijna chujni ngai thi rugundeʼena. Si sunthuʼuna thi jian ngai chujni, jiʼi sincheʼe ke jaan sinauna tsianána.
