DEKEXIʼIN DENICHJEʼENA
LECCIÓN 5
Dekjee kexrein senichjeʼena
Thi tjago Biblia: “Are runichjeʼerana chrjuin nchekueʼenrana” (Col. 4:6).
Thi juincheʼe Pablo
1. Detsjeʼe VIDEO o denchelee Hechos 17:22, 23. Kuthejan degariʼi dexraxaun ngai thi xranchangi teʼi:
-
Kexrein kunuʼen Pablo are bikun ke rajna Atenas jikaun de tsje dio (detsjeʼe Hechos 17:16).
-
Pablo nichjaʼa jiaʼan de jeʼena, icha jian, kexrein gundeʼe thi jeʼena binuʼena para kjuee kexrein runichjeena de juajna jian.
Keʼe tanginá de thi juincheʼe Pablo
2. Chujni icha sinao tsianá si tsincheʼená jian thi rundachruná, kexrein rundachruná ko kesa rundachruná.
Dencheʼe xraa Pablo
3. Dekincheʼe jian thi sendachro. Xraa are senichjeʼe naa chujni ke chunxiʼan de Biblia o de Jesús, menxun chunda ke sekjee kexrein senichjeʼena de jiʼi de inaa manera para nchao tsinxina.
4. Dendacheʼana ke thi xraxauna ndakuaʼa jii. Dekanchrjanda ke chujni rundachro thi xraxaun. Ko, are rundachro naa thi nchauʼa jii, xruʼin dendachena de yaa (Sant. 1:19). Si sekiʼin jian thi rundachruna, sekinxin keʼe dithikaun chujni mee ko unda dithikaun yaa (Prov. 20:5).
5. Are nchao, dendache chujni ke nchao jii thi xraxaun ko ndachentha ke nchao batheʼe. Dexraxaun ke menxun chujni xraxaun ke thi jeʼe dithikaun yaa thi ndua. Saʼo detsjeʼe keʼe nuʼen chujni mee ko ke nchao jii, kuthejan dekéngijnana para ke yao ko yao tsinxina keʼe tjago Biblia de thi jeʼena dithikauna.
