Dekinthueʼa de dekjan

SÍKUNI O TSI̱ʼINI NGAI THÁ

Thi tjago Biblia: “Kain nchaʼun banichjana ko bakjaguena chujni thi juajna juiaʼo Jesús” (Hech. 5:42).

Thi juincheʼe Pablo

VIDEO: Pablo kunchrjéʼan ko kuinthueʼa de níchja de juajna jian ngai Éfeso

1. Detsjeʼe VIDEO o denchelee Hechos 19:8-10. Kuthejan degariʼi dexraxaun ngai thi xranchangi teʼi:

Maski binthe inchi ni bajinauʼa bakiʼin juajna bagikao, kexrein nuanxina ke Pablo kunchrjéʼan ko kuinthueʼa de kuengijna ni jaan bakiʼin.
Kieʼen bee nichjee Pablo ni jaan bakiʼin, ko kexrein sexin juincheʼe jiʼi.

Keʼe tanginá de thi juincheʼe Pablo

2. Para ke nchao kjan sitsjeʼenána ko tsexiʼiná tsangikuʼunána rugunda tiempo ko ke tanuinka sunthuʼuna.

Dencheʼe xraa Pablo

3. Degitsjeʼena are jeʼena sinthena. Deganchangi: “Kesa nchao rukjana sitsjaa chujni jiʼi. Kesa chunda tiempo jeʼe para tsji sitsjaa. Thino runchexruxiʼin setanxina”. Dekjan degitsjeʼe chujni mee maski menxun suixin urechunda ijee thi ruencheʼe.

4. Deganchangi kesa nchao sekjantha. Sadekjiʼa sin ke seganchangi kesa ko keʼe hora nchao sekjan segitsjeʼena inaa bee. Ko dekji nchaʼun yaa.

5. Dekunchrjeʼan. Dexraxauʼan ke chujni rinauʼa tsangi juʼo ixi tángi para deginchiina ngai nchia o ixi anto tsje xrá chunda (1 Cor. 13:4, 7). Dekinthueʼa de dekjeena ko dekjan degitsjeʼena, aro denchegunda jian tiempo (1 Cor. 9:26).

KAI DETSJEʼE

Hech. 10:42; 1 Cor. 9:22, 23; 2 Cor. 4:1; Gál. 6:9

NTHUKUEʼENA CHUJNI: JAÑA TJAGUNÁ KE THJUEʼENÁNA