KJAN DEGITSJEʼENA
LECCIÓN 8
Dekangi dechuʼen
Thi tjago Biblia: “Thi thjueʼe chuuni nuʼen chuʼen” (1 Cor. 13:4, NWT).
Thi juincheʼe Jesús
1. Detsjeʼe VIDEO o denchelee Juan 7:3-5 ko 1 Corintios 15:3, 4, 7. Kuthejan degariʼi dexraxaun ngai thi xranchangi teʼi:
Keʼe tanginá de thi juincheʼe Jesús
2. Inchina icha see tunchrjeʼena para dithikauna ngai juajna jian, mexinxin rugunda ke tsanginá ruchuʼená.
Dencheʼe xraa Jesús
3. Degasengixin kexrein dekjaguʼena. Si sithuexiʼana tsangikuʼunthana de Biblia bee saʼo ke senchenthuxiʼina, dekanchrjanda satho nchaʼun para kjan senchenthuxiʼina. Aro si nchao, denchegunda video o naa articulo para ke sikun kexrein nthukueʼena chujni de Biblia ko kexrein tsengijna si tsangi.
4. Dencheyeiʼana. Nanaa chujni jejee ncheʼe. Si naa ni nchianduintha o naa ni bekjiuʼe juajna jian nueʼana jian a tsangina o sithikauna thi ndachro Biblia, deganchangi unda. A chujni jiʼi anto dithikaun thi tjaguena ngai ningue. A ni nchianduʼe o ni jii ngandajin jindachena ke tsangiʼa. Dekanchrjanda ruxraxaun ngai thi ukjuaura ko sincherenthe thi ubekjaguʼe de Biblia.
5. Denichjeʼe Jehová de jeʼena. Deganchieʼe Jehová ke sekengijna para sekinthueʼa de segitsjeʼena ko ndakua senichjeʼena. Ko kai deganchieʼe ke sekengijna para sekunuʼan kesa sekinthuʼe de segitsjeʼe naa ni rinaʼua tsangi (1 Cor. 9:26).
