میکائیل یسوع مسیح دا اوہ ناں اے جیہڑا اوہنوں زمین تے آن توں پہلاں دِتا گیا سی تے اسمان تے جان توں بعد وی اوہ ایسے ناں توں کہلایا۔‏ a بعض مذہبی فرقے من دے نیں کہ میکائیل مقدسین وچوں اِک اے۔ جدوں موسیٰ فوت ہویا تے میکائیل دی شیطان نال بحث ہوئی۔ اِک ہور موقعے تے میکائیل نے اِک فرشتے دی مدد کیتی تاکہ اوہ دانی‌ایل نبی تک خدا دا پیغام پونچا سکے۔ (‏دانی‌ایل 10‏:‏13‏،‏ 21؛‏ یہوداہ 9‏)‏ میکائیل دے ناں دا مطلب اے:‏ خدا وانگوں کون اے۔ ایس لئی اوہ خدا دی حکمرانی دی حمایت کر دا اے تے خدا دے دُشمناں نال لڑ دا اے۔—‏دانی‌ایل 12:‏1؛‏ مکاشفہ 12:‏7‏۔‏

 آؤ ویکھئے کہ اَسی ایہہ کیوں کہہ سکنے آں کہ یسوع فرشتیاں دا سردار میکائیل اے:‏

•   میکائیل ”‏فرشتیاں دا سردار“‏ اے۔‏ (‏یہوداہ 9‏)‏ لقب ”‏فرشتیاں دا سردار “‏ بائبل دِیاں صرف دو آیتاں چ استمال ہویا اے تے ایہناں دونواں ایتاں چ لفظ سردار واحد چ استمال کیتا گیا اے جدے توں پتہ چلدا اے کہ ایہہ لقب صرف اِک ای فرشتے نُوں دِتا گیا اے۔ ایہناں ایتاں وچوں اِک ایت چ دَسیا گیا اے کہ ساڈا مالک یسوع مسیح جنہوں مُردیاں چوں زندہ کیتا گیا، اسمان توں خدا دے نرسنگے نال آئے گا تے للکار کے فرشتیاں دے سردار دی آواز چ حکم دے گا۔ (‏1-‏تھسلُنیکیوں 4:‏16‏)‏ غور کرو کہ یسوع مسیح فرشتیاں دے سردار دی آواز چ حکم دیندا اے۔ ایہدے توں پتہ چلدا اے کہ یسوع ای فرشتیاں دا سردار میکائیل اے۔‏

•   میکائیل فرشتیاں دی فوج تے اِختیار رکھدا اے۔‏ میکائیل تے اوہدے فرشتیاں نے اژدہے یعنی شیطان نال جنگ کیتی۔ (‏مکاشفہ 21‏:‏7‏)‏ یہوواہ خدا نے میکائیل نُوں اسمان تے بوہت زیادہ اِختیار دِتا اے۔ ایسے لئی اوہنوں پاک کلام چ ”‏مقرب فرشتہ“‏ کہیا گیا اے۔ (‏دانی‌ایل 10‏:‏13‏،‏ 21؛‏ 21‏:‏1‏)‏ مقرب فرشتے لئی عبرانی زبان چ جیہڑا لفظ استمال کیتا گیا اے اوہدا مطلب اے:‏ عظیم شہزادہ۔ نوِیں عہد نامے دے اِک عالم ڈیوڈ اون نے کہیا اے کہ ایس لقب توں ظاہر ہوندا اے کہ میکائیل فرشتیاں دی فوج دا سردار اے۔‏

   بائبل چ صرف اِک ہور ناں دا ذکر کیتا گیا اے جیہڑا فرشتیاں دی فوج تے اِختیار رکھدا اے۔ ایہدے چ لکھیا اے کہ مالک یسوع اسمان توں اپنے طاقتور فرشتیاں دے نال بھڑکدی ہوئی اَگ چ ظاہر ہوئے گا تے اوہناں لوکاں کولوں بدلہ لوَے گا جیہڑے خدا نُوں نئیں جان دے۔ (‏2-‏تھسلُنیکیوں 1:‏7، 8؛‏ متی 16:‏27‏)‏ جدوں یسوع اسمان تے چلا گیا اوہدوں فرشتے تے حکمران تے طاقتاں اوہدے تابع کر دِتیاں گئیاں۔ (‏1-‏پطرس 3:‏21، 22‏)‏ ذرا سوچو، جے خدا نے یسوع تے میکائیل دونواں نُوں فرشتیاں دی فوج دا سردار مقرر کیتا ہوندا تے اوہناں چ دُشمنی ہو سکدی سی۔ ایہدے توں ثابت ہوندا اے کہ یسوع تے میکائیل اِک ای ہستی دے دو ناں نیں۔‏

•   میکائیل تکلیف دے ویلے چ اُٹھے گا۔‏ (‏دانی‌ایل 12:‏1‏)‏ دانی‌ایل دی کتاب چ جیس عبرانی لفظ دا ترجمہ اُٹھے گا کیتا گیا اے اوہ اکثر ایہو جہے بادشاہ لئی استمال کیتا جاندا سی جیہڑا کوئی خاص کاروائی کرن لئی اُٹھ کے کھلو جاندا سی۔ (‏دانی‌ایل 11:‏2-‏4،‏ 21‏)‏ یسوع مسیح جنہوں بائبل چ خدا دا کلام کہیا گیا اے، بادشاہواں دے بادشاہ دے طور تے خدا دے دُشمناں نُوں مار ے گا تے اوہدے بندیاں نُوں بچان لئی کاروائی کرے گا۔ (‏مکاشفہ 19:‏11-‏16‏)‏ اوہ ایہہ وڈی مصیبت دے دوران کرے گا جیہڑی دُنیا دے شروع توں لے کہ ہُن تک نئیں آئی تے نہ ای کدی دُبارہ آئے گی۔—‏متی 24:‏21،‏ 42‏۔‏