کیتھولک چرچ دے خبر دین والے اِدارے دے مطابق 25 مارچ 2022 نُوں سینٹ پیٹرز باسیلکا چ ہون والی کیتھولک چرچ دی عبادت دے دوران پوپ فرانسس نے مریم دے اِک بُت اَگے کھلو کے اپنیاں اَکھاں بند کیتیاں تے سر جھکا کے اوہدے اَگے امن تے سلامتی لئی دُعا کیتی۔ ویٹیکن وَلّوں اِک رپورٹ چ دَسیا گیا سی کہ پوپ نے مریم کولوں دُعا کیتی کہ اوہ اپنے پاک دل نال انسانیت نُوں تے خاص طور تے روس تے یوکرین نُوں پاک کرے۔‏

 تُسی کیہہ سوچدے او؟ کیہہ عبادت چ تصویراں یاں بُتاں دا استمال صحی اے؟ جواب جانن لئی پاک کلام چوں ایہناں ایتاں نُوں پڑھو:‏

•   تُوں اپنے لئی کوئی مورت یاں بُت نہ بنائیں تے نہ ای کسے شے دی صورت بنائیں جیہڑی اسمان چ ہوئے یاں زمین دے اُتے یاں زمین دے تھلے پانی چ۔ تُوں ایہناں نُوں سجدہ نہ کرِیں تے نہ ای ایہناں دی عبادت کرِیں کیونکہ میں یہوواہ تیرا خدا واں تے چاہنا واں کہ توں صرف میری ای عبادت کریں۔—‏خروج 20:‏4، 5‏۔‏ a

•   اوہناں دے بُت چاندی تے سونا نیں یعنی بندیاں دے ہتھاں دِیاں بنائیاں ہوئیاں چیزاں۔ اوہناں دے موُنہہ نیں پر اوہ بولدے نئیں، اَکھاں نیں پر اوہ ویکھدے نئیں۔ اوہناں دے کن نیں پر اوہ سُن دے نئیں، نک نیں پر اوہ سونگھدے نئیں۔ اوہناں دے ہتھ نیں پر اوہ چھوندے نئیں، پیر نیں پر اوہ چلدے نئیں تے اوہناں دے گلے توں آواز نئیں نکلدی۔ اوہناں دے بنان والے اوہناں وانگوں بن جان گے سگوں اوہ وی جیہڑے اوہناں تے بھروسا رکھدے نیں۔—‏زبور 115:‏4-‏8‏۔‏

•   یہوواہ میں آں۔ ایہو ای میرا ناں اے۔ میں اپنا جلال کسے ہور نُوں تے اپنی حمد کھودیاں ہوئیاں مورتاں نُوں نئیں دَواں گا۔—‏ یسعیاہ 42:‏8‏۔‏

•   بُت‌پرستی توں بھجو۔—‏1-‏کُرنتھیوں 10:‏14‏۔‏

•   اپنے آپ نُوں بُتاں توں بچا کے رکھو۔—‏1-‏یوحنا 5:‏21‏۔‏

 ایس بارے ہور جانن لئی کہ پاک کلام چ عبادت لئی بُتاں تے تصویراں دے استمال بارے کیہہ دَسیا گیا اے، ایہہ مضمون ویکھو:‏ ‏”‏کیہہ سانوں عبادت لئی بُت تے تصویراں استمال کرنیاں چاہی دِیاں نیں؟“‏ یاں فیر ایہہ ویڈیو ویکھو:‏ ‏”‏کیہہ خدا عبادت لئی بُت یاں تصویراں استمال کرن دی اجازت دیندا اے؟‏‏“‏

 شاید تُسی جاننا چاہوو کہ بائبل چ ایہناں موضوعاں بارے کیہہ دَسیا گیا اے:‏

•   کنواری مریم—‏پاک کلام چ اوہدے بارے کیہہ دَسیا گیا اے؟‏

•   کیہہ کدی زمین تے امن قائم ہوئے گا؟‏

Photo credit: Vincenzo Pinto/AFP via Getty Images