دُنیا بھر چ لوکاں لئی اپنے گھرانے دِیاں ضرورتاں نُوں پورا کرنا دن بدن بڑا مشکل ہوندا جا رہیا اے۔‏

•    اِک رپورٹ a چ دَسیا گیا اے کہ مہنگائی ودھدی جا رہی اے پر لوکاں دی تنخواہ چ اضافہ نئیں ہو رہیا۔ جے حالات ایسے طرحاں چلدے رہے تے غریبی ہور وی زیادہ ودھ جائے گی تے پیسے دھیلے دی تنگی دی وجہ توں لوکاں لئی گزارا کرنا بوہت اوکھا ہو جائے گا۔‏

 حکومتاں لئی ایس مسئلے نُوں حل کرنا تے دُور دی گل اے۔ پر کیہہ اوہ ایہنوں ہور وِگڑن توں روک سکدیاں نیں؟‏

 بائبل چ اِک حکومت بارے دَسیا گیا اے جیہڑی غریبی نُوں ختم کرن دے نال نال انساناں دے باقی مسئلیاں نُوں وی حل کرے گی۔ دانی‌ایل 2:‏44 چ لکھیا اے کہ اسمان دا خدا اِک بادشاہی قائم کرے گا۔ ایس بادشاہی دے ذریعے اوہ پوری زمین تے حکومت کرے گا۔ اوس ویلے کسے نال وی نااِنصافی نئیں ہوئے گی۔ (‏زبور 9:‏18‏)‏ خدا دی بادشاہی چ ہر انسان خوش رہوے گا کیونکہ خدا ہر اِک دِیاں ضرورتاں دا خیال رکھے گا۔ اوہدوں ہر کسے نُوں اوہدی محنت دا پھل ملے گا۔​—‏⁠یسعیاہ 65:‏21، 22‏۔‏