بائبل پڑھدے ویلے اَسی ایہدے چ لکھیاں گلاں نُوں ہور چنگی طرحاں سمجھن لئی تحقیق کر سکنے آں۔ پر سانوں ایہدا مطالعیا صرف اپنا علم ودھان لئی نئیں سگوں یہوواہ دِیاں خوبیاں بارے جانن لئی وی کرنا چاہی دا اے تاکہ ساڈے دل چ اوہدے لئی محبت ہور ودھے۔ اِنج کرن لئی، اَسی اپنے آپ کولوں ایہہ پچھ سکنے آں:‏ ”‏بائبل دے ایس واقعے توں مَیں یہوواہ بارے کیہہ سکھنا واں؟“‏

مثال لئی، تُسی ایہہ ویکھ سکدے او کہ یہوواہ محبت، دانش‌مندی، انصاف تے طاقت کیویں ظاہر کردا اے۔ پر یہوواہ چ ہور وی بوہت ساریاں خوبیاں نیں۔ تُسی ایہناں خوبیاں بارے ہور جانن لئی کیہہ کر سکدے او؟‏

تُسی اُردو زبان چ ‏”‏یہوواہ کے گواہوں کے لیے مطالعے کے حوالے“‏ چوں موضوع ”‏یہوواہ خدا‏“‏ دے تھلے دِتے گئے ذیلی عنوان ”‏یہوواہ خدا کی صفات“‏ نُوں ویکھ سکدے او۔ فیر ایہدے چ تُسی یہوواہ دی اوس خوبی بارے پڑھ سکدے او جیہڑی بائبل دے اوس واقعے چ نظر آ رہی اے جیہڑا تُسی پڑھ رہے او۔‏