ساڈے وچوں زیادہ‌تر نُوں اوہناں گلاں نُوں یاد رکھنا مشکل لگدا اے جیہڑیاں اَسی مطالعیا کردے ویلے سکھنے آں۔ پر کیہہ تُسی غور کیتا اے کہ یسوع دِیاں مثالاں تے سانوں یاد رہندیاں نیں۔ ایہدی کیہہ وجہ اے؟ کیونکہ اَسی اپنے ذہن چ اوہناں دی تصویر بنا سکنے آں۔ ایسے طرحاں جے تُسی مطالعیا کردے ویلے وی اپنے ذہن چ اوہناں گلاں دی تصویر بناؤ گے جیہڑیاں تُسی پڑھدے او تے تُسی اوہناں گلاں نُوں یاد رکھ سکو گے۔ پر تُسی اِنج کیویں کر سکدے او؟ تصویراں بنا کے۔‏

جیہڑے لوک نوِیاں گلاں نُوں سکھن توں بعد اوہناں دی تصویر بناندے نیں، اوہناں نُوں اوہ گلاں زیادہ چنگی طرحاں یاد رہندیاں نیں۔ ایس طریقے نُوں اوہ نہ صرف لفظاں سگوں خاص نکتیاں نُوں وی یاد رکھن لئی استمال کردے نیں۔ ضروری نئیں کہ تُسی بڑیاں خوب‌صورت تصویراں بناؤ سگوں سادیاں تصویراں بنان نال وی تُسی کسے گل نُوں یاد رکھ سکدے او۔ خاص طور تے وڈیرے لوکاں نُوں ایس طریقے توں بڑی مدد مِلی اے۔‏

اگلی واری جدوں تُسی مطالعیا کرو تے تُسی سکھیاں ہوئیاں گلاں دی تصویر بنان دی کوشش کرنا۔ توانوں ایہہ ویکھ کے بڑی حیرانی ہوئے گی کہ توانوں کِنّیاں گلاں یاد نیں۔‏