بوہت سارے بھین بھرا ‏”‏مینارِنگہبانی“‏ دی تیاری کر‌ن لئی ‏”‏جےڈبلیو لائبریری“‏ نُوں استمال کر‌دے نیں کیونکہ ایہدے چ ہر ہفتے دی عبادت لئی مطالعے دے مضمون نُوں ویکھنا بڑا اسان ہوند‌ا اے۔ پر ایہدے چ ہور مضمون وی ہوند‌ے نیں جنہاں نال ساڈا ایمان مضبوط ہوند‌ا اے۔ تُسی ‏”‏جےڈبلیو لائبریری“‏ چ ایہناں مضموناں نُوں کیویں لبھ سکدے او تے ایہناں توں فائدہ کیویں حاصل کر سکدے او؟‏

• ‏”‏مینارِنگہبانی“‏ دے ہر مطالعے دے مضمون دے تھلے ”‏پڑھن لئی ہور معلومات“‏ والے ذیلی عنوان تھلے ”‏ایس شمارے دے دُوجے مضمون“‏ والے لنک تے کلک کر‌و۔ فیر مضموناں دی لسٹ چ اوہناں مضموناں دا صاف پتہ چل جاند‌ا اے جنہاں دا عبادت تے مطالعیا ہونا ہوند‌ا اے کیونکہ اوہناں نال لکھیا ہوند‌ا اے کہ اوہ مطالعے دے مضمون نیں تے نالے اوہناں دا نمبر وی لکھیا ہوند‌ا اے۔ تُسی ایہناں دے علاوہ ہور جیہڑا مضمون پڑھنا چاہندے او، اوہدے تے کلک کر‌و۔‏

• ‏”‏جےڈبلیو لائبریری“‏ دے پہلے صفحے تے ”‏نویاں تازیاں چیزاں ویکھو“‏ والے حصے تے جا کے نویں ‏”‏مینارِنگہبانی“‏ نُوں ڈاؤن‌لوڈ کر‌و۔ فیر ایہنوں کھول کے ”‏مطالعے لئی مضمون“‏ چ جا کے سارے مضموناں نُوں ویکھو تے ایہناں توں فائدہ حاصل کر‌و۔‏