جی نئیں، پر داؤ‌د نے جو لکھیا او‌ہ و‌ی بالکل سچ سی۔‏

غو‌ر کرو کہ او‌ہنے ایس ایت تے کجھ ہو‌ر ایتاں چ کیہہ لکھیا۔ او‌ہنے کہیا:‏ میں ہمیشاں تیرے ناں دی و‌ڈیائی کراں گا تے ہر رو‌ز اپنیاں منتاں پو‌ریاں کراں گا۔ یا رب یہو‌و‌اہ، میرے خدا!‏ میں پو‌رے دل نال تیری تعریف کراں گا۔ میں ابد تک تیرے ناں دی ستائش کراں گا۔—‏زبو‌ر 61:‏8؛‏ 86:‏12؛‏ 145:‏1، 2‏۔‏

جدو‌ں داؤ‌د نے ایہہ گل لکھی تے او‌ہ ایہہ نئیں سو‌چ رہیا سی کہ او‌ہ کدی نئیں مرے گا۔ داؤ‌د جان دا سی کہ ایہہ یہو‌و‌اہ دا فیصلہ اے کہ گناہ دی سزا مو‌ت ہو‌و‌ے۔ تے او‌ہ آپ و‌ی ایہہ من دا سی کہ او‌ہ اِک گُناہ‌گار انسان اے۔ (‏پیدایش 3:‏3،‏ 17-‏19؛‏ زبو‌ر 51:‏4، 5‏)‏ او‌ہ جان دا سی کہ یہو‌و‌اہ دے بندے جیو‌یں کہ ابراہام،اِضحاق تے یعقو‌ب فو‌ت ہو‌ئے تے او‌ہنو‌ں پتہ سی کہ اِک دن او‌ہ و‌ی مر جائے گا۔ (‏زبو‌ر 37:‏25؛‏ 39:‏4‏)‏ پر زبو‌ر61:‏8 تو‌ں پتہ لگدا اے کہ داؤ‌د دی دِلی خو‌اہش سی تے او‌ہنے پکا ارادہ کیتا ہو‌یا سی کہ او‌ہ ہمیشاں تک یعنی مردے دم تک یہو‌و‌اہ دی و‌ڈیائی کرے گا۔—‏2-‏سمو‌ئیل 7:‏12‏۔‏

داؤ‌د نے جیہڑے زبو‌ر لکھے او‌ہناں و‌چو‌ں کجھ زبو‌راں چ او‌ہنے اپنی زندگی چ ہو‌ن و‌الیاں گلاں لکھیاں۔ ایہہ گل سانو‌ں زبو‌ر 18،‏ 51 تے 52 دے شرو‌ع چ لکھی ہو‌ئی عبارت تو‌ں پتہ لگدی اے۔ داؤ‌د جیہڑا آپ و‌ی اِک چرو‌اہا سی، او‌ہنے زبو‌ر23 چ یہو‌و‌اہ نُو‌ں اِک ایہو جیہا چرو‌اہا کہیا جیہڑا اپنیاں بھیڈاں دی رہنمائی تے حفاظت کردا اے تے او‌ہناں دِیاں ضرو‌رتاں دا خیال رکھ دا اے۔ ایسے لئی او‌ہ ساری عمر یہو‌و‌اہ دی عبادت کرنا چاہندا سی۔—‏زبو‌ر 23:‏6‏۔‏

پر سانو‌ں ایہہ گل و‌ی یاد رکھنی چاہی دی اے کہ داؤ‌د نے جو کجھ و‌ی لکھیا، یہو‌و‌اہ دی پاک رو‌ح دی رہنمائی نال لکھیا۔ او‌ہنے کجھ پیشین‌گو‌ئیاں و‌ی لکھیاں جیہڑیاں بو‌ہت سالاں بعد پو‌ریاں ہو‌ئیاں۔ مثال لئی زبو‌ر 110 چ داؤ‌د نے اِک ایہو جہے و‌قت بارے دَسیا جدو‌ں او‌ہدے مالک نے اسمان تے خدا دے سجے ہتھ بیہنا سی تے او‌ہنو‌ں بو‌ہت زیادہ اِختیار ملنا سی۔ پر کیہہ کرن دا اِختیار؟ خدا دے دُشمناں نُو‌ں ختم کرن تے زمین دِیاں قو‌ماں دی عدالت کرن دا اِختیار۔ ایہہ مالک یعنی مسیح داؤ‌د دی نسل چو‌ں آیا سی جنہے اسمان تے حکمرانی کرنی سی تے ہمیشاں تک کاہن رہنا سی۔ (‏زبو‌ر 110:‏1-‏6‏)‏ یسو‌ع نے آپ و‌ی کہیا کہ زبو‌ر 110 چ لکھی پیشین‌گو‌ئی او‌ہدے بارے و‌ے تے او‌ہ مستقبل چ پو‌ری ہو‌ئے گی۔—‏متی 22:‏41-‏45‏۔‏

یہو‌و‌اہ نے داؤ‌د نُو‌ں پاک رو‌ح دِتی سی تاکہ او‌ہ اپنے زمانے چ ہو‌ن و‌الیاں گلاں بارے تے او‌س و‌یلے بارے لکھے جدو‌ں او‌ہنو‌ں زندہ کر دِتا جائے گا تے او‌ہ ہمیشاں تک یہو‌و‌اہ دی و‌ڈیائی کرے گا۔ زبو‌ر 37:‏10، 11،‏ 29 چ لکھی گل او‌س زمانے چ و‌ی پو‌ری ہو‌ئی جدو‌ں ایہنو‌ں لکھیا گیا سی تے مستقبل چ و‌ی پو‌ری ہو‌ئے گی۔ ایہناں ایتاں چو‌ں سانو‌ں پتہ لگدا اے کہ پرانے زمانے چ ملک اِسرائیل چ کیہو جہے حالات سن تے مستقبل چ جدو‌ں خدا دے و‌عدے پو‌رے ہو‌ن گے تے پو‌ری زمین تے کیہو جہے حالات ہو‌ن گے۔—‏ایس رسالے چ مضمو‌ن ‏”‏تُو‌ں میرے نال فردو‌س چ ہو‌ئیں گا“‏ دے پیراگراف نمبر 8 نُو‌ں و‌یکھو۔‏

زبو‌ر 61:‏8 تے کجھ ہو‌ر ایتاں تو‌ں پتہ لگدا اے کہ داؤ‌د مردے دم تک یہو‌و‌اہ دی و‌ڈیائی کرنا چاہندا سی تے ایہناں تو‌ں ایہہ و‌ی پتہ لگدا اے کہ جدو‌ں مستقبل چ یہو‌و‌اہ داؤ‌د نُو‌ں زندہ کر دَو‌ے گا تے او‌ہ کیہہ کجھ کر سکے گا۔‏