تجربے
ہر طرحاں دے لوکاں لئی ہمدردی وکھاؤ
اِک دن نیوزیلینڈ چ رہن والی اِک بھین نے ساڈی ویبسائٹ تے اِک ویڈیو ویکھی جدے چ دَسیا گیا سی کہ یہوواہ صرف ہمدردی محسوس ای نئیں کردا سگوں وکھاندا وی اے۔ (یسعیاہ 63:7-9) بھین نے سوچیا کہ اوہ وی دُوجیاں لئی ہمدردی وکھائے گی۔ بعد چ اوسے دن جدوں اوہ بازار گئی تے اوہنوں اِک غریب عورت نظر آئی۔ بھین نے اوہنوں پچھیا کہ کیہہ اوہ اوہدے لئی کجھ کھان نُوں خریدے۔ اوہ عورت من گئی۔ جدوں بھین اوہدے لئی کھانا لے کے آئی تے نال ای اوہنے پرچہ ”کیہہ دُکھ درد کدی ختم ہون گے؟“ دے ذریعے اوہنوں گواہی دِتی۔
اوہ عورت رون لگ پئی۔ اوہنے دَسیا کہ اوہدے ماں پیو یہوواہ دے گواہ سن۔ پر اوہنے کئی سال پہلاں یہوواہ دے گواہواں نال رابطہ رکھنا چھڈ دِتا سی۔ ہُن اوہ کئی دِناں توں یہوواہ توں دُعا کر رہی سی کہ اوہ اوہدے کول واپس آن چ اوہدی مدد کرے۔ بھین نے اوہنوں بائبل دِتی تے اوہنوں بائبل کورس کران دا بندوبست کیتا۔ a
یہوواہ وانگوں سانوں وی ساریاں لئی ہمدردی وکھانی چاہی دی اے جنہاں چ ساڈے رشتےدار تے کلیسیا دے بھین بھرا وی شامل نیں۔ دُوجیاں لئی ہمدردی وکھان دا اِک طریقہ ایہہ وے کہ اَسی اوہناں نُوں بادشاہی دی خوشخبری سنائیے۔
a جیہڑے بھین بھرا یہوواہ توں دُور ہو گئے نیں، اوہناں دی مدد کرن لئی اُردو زبان چ جون 2020 دے ”مینارِنگہبانی“ چ مضمون ”میرے پاس واپس آؤ!“ نُوں ویکھو۔
