ماں پیو کول اپنے بچیاں نُوں یہوواہ بارے سکھان دی اِک وڈی ذمے‌داری اے۔ (‏اِفسیوں 6:‏4‏)‏ اوہناں دی مدد کرن لئی یہوواہ دی تنظیم نے بوہت سارے مضمون، ویڈیوز تے گیت تیار کیتے نیں۔ ایہناں چیزاں نُوں استمال کر کے تُسی اپنے بچیاں دی تربیت کیویں کر سکدے او؟‏

• ویب‌سائٹ JW.ORG تے جاؤ۔ ایہدے چ بچیاں لئی بوہت ساریاں ویڈیوز تے مشقاں موجود نیں۔‏ a ایہناں نُوں ویکھن لئی ”‏لبھو“‏ والے خانے چ ”‏بچے“‏ یاں ”‏نوجوان“‏ لکھو۔‏

• ویکھو کہ تواڈے بچے نُوں کیس چیز دی ضرورت اے۔ حصہ ”‏بچیاں لئی‏“‏ چ بوہت ساریاں ویڈیوز، گیت تے مشقاں موجود نیں جنہاں توں تواڈے بچیاں نُوں فائدہ ہوئے گا۔ ایہناں نُوں لبھن لئی حصہ ”‏بچیاں لئی“‏ چ ”‏کھیڈ کھیڈ وچ سکھو“‏ نُوں ویکھو۔‏

• اپنے بچیاں نال ایہناں چیزاں بارے گل کرو۔ ایہناں ویڈیوز تے مشقاں نُوں صرف ایس لئی استمال نہ کرو کہ تواڈے بچے آرے لگے رہن۔ ایہدی بجائے بچیاں نال ایہناں تے گل کرو تے ایہناں دے ذریعے یہوواہ نال دوستی مضبوط کرن چ اوہناں دی مدد کرو۔‏