بائبل پڑھدے ویلے سانوں ایہدے چوں اوہ گلاں لبھن دی کوشش کرنی چاہی دی اے جیہڑیاں اپنی زندگی نُوں بہتر بنان چ ساڈی مدد کرن۔ اَسی بائبل پڑھن توں ہور فائدہ کیویں حاصل کر سکنے آں؟‏

گہرائی نال سوچ وچار کرو:‏ بائبل چ لکھے واقعیاں تے گہرائی نال سوچ وچار کرو۔ مثال لئی، ایس گل تے غور کرو کہ ایہہ گل کنہے لکھی، کنہوں لکھی تے کدوں لکھی۔ اوس ویلے حالات کیہو جہے سن؟ اوس واقعے توں پہلاں تے بعد چوں کیہہ کجھ ہویا؟‏

تُسی کیہہ سکھ سکدے او:‏ تحقیق کردے ویلے ایہو جہے سوالاں تے غور کرو جیویں کہ ”‏جنہاں لوکاں دا ایس واقعے چ ذکر ہویا اے، اوہ اوہدوں کیہو جیہا محسوس کر رہے سن؟ اوہناں نے کیہو جہیاں خوبیاں یاں خامیاں ظاہر کیتیاں؟ مینوں اوہناں ورگیاں خوبیاں کیوں ظاہر کرنیاں چاہی دِیاں نیں یاں اوہناں ورگیاں خامیاں ظاہر کرن توں کیوں بچنا چاہی دا اے؟“‏ اِنج تُسی ویکھ سکو گے کہ جیہڑا واقعہ تُسی پڑھیا اے تُسی اوہدے توں کیہہ سکھ سکدے او۔‏

عمل کرو:‏ مُنادی دے دوران تے لوکاں نال گل بات کردے ویلے اوہناں گلاں تے عمل کرو جیہڑیاں تُسی سکھیاں نیں۔ اِنج کرن نال تُسی خدا ورگی دانش‌مندی ظاہر کر رہے ہووو گے جیویں کہ بائبل چ لکھیا اے:‏ دانا ایہناں گلاں تے دھیان دَوے گا۔—‏زبور 107:‏43‏۔‏

• مشورہ:‏ غور کرو کہ ‏”‏ساڈی مسیحی زندگی تے خدمت“‏ والی عبادت چ ‏”‏پاک کلام چوں سنہری گلاں“‏ والا حصہ سکھیاں ہوئیاں گلاں تے غور کرن چ ساڈی مدد کیویں کردا اے۔ ایس حصے چ ہر واری کوئی ایہو جہی مثال، کوئی ایہو جیہا سوال یاں کوئی ایہو جیہا نکتہ آندا اے جدے تے اَسی سوچ وچار کر سکنے آں۔‏