‏”‏جدوں مَیں بڑی اُداس ہنی آں تے مینوں محسوس ہوندا اے کہ میری کوئی قدر نئیں، اوہدوں مینوں اوہناں گیتاں نُوں سُن کے بڑا حوصلہ مِلدا اے جیہڑے جے‌ڈبلیو براڈکاسٹنگ تے آندے نیں۔“‏—‏لورین، امریکہ۔‏

گیت شروع توں ای یہوواہ دی عبادت دا حصہ رہے نیں۔ (‏کُلسّیوں 3:‏16‏)‏ جے تُسی گیتاں نُوں زبانی یاد کر لوو گے تے تُسی ایہناں نُوں اوہدوں وی گا سکو گے جدوں تواڈے کول گیتاں دی کتاب یاں موبائل وغیرہ نئیں ہوئے گا۔ گیتاں نُوں یاد کرن لئی ذرا ایہناں مشوریاں تے غور کرو:‏

• گیتاں دے بولاں نُوں دھیان نال پڑھو تاکہ تُسی ایہناں دا مطلب سمجھ سکو۔‏ جیہڑی گل توانوں سمجھ آندی اے اوہنوں یاد رکھنا اسان ہوندا اے۔ jw.org تے ہر گیت دے بول دِتے گئے نیں۔ ایہناں چ بچیاں لئی گیت وی شامل نیں۔ ایہناں گیتاں دے بول ویکھن لئی ساڈی ویب‌سائٹ تے ”‏کتاباں تے ویڈیوز“‏ والے حصے چ ”‏موسیقی‏“‏ تے جاؤ۔‏

• گیتاں دے بولاں نُوں لکھو۔‏ جدوں تُسی گیتاں دے بول اپنے ہتھاں نال لکھو گے تے ایہہ توانوں ہور چنگی طرحاں یاد ہو جان گے۔—‏اِستثنا 17:‏18‏۔‏

• گیتاں دی مشق کرو۔‏ گیتاں نُوں وار وار اُچی آواز چ گاؤ۔‏

• ویکھو کہ توانوں کِنّاں یاد ہویا اے۔‏ بولاں نُوں ویکھے بغیر گان دی کوشش کرو۔ اِنج توانوں پتہ چل جائے گا کہ توانوں کوئی گیت کِنّاں یاد ہو گیا اے۔‏