طِطُس دے ناں خط چ پولُس نے طِطُس سمیت سارے نوجواناں نُوں صلاح دِتی کہ اوہ چنگے کم کرن چ اِک ودھیا مثال قائم کرن دی پوری کوشش کرن۔‏ (‏طِطُس 2:‏6،‏ 7‏)‏ فیر پولُس نے کہیا کہ یہوواہ دے لوکاں نُوں پاک کیتا گیا اے تاکہ اوہ جوش نال چنگے کم کرن۔‏ (‏طِطُس 2:‏14‏)‏ اِک چنگا کم لوکاں نُوں خدا دی بادشاہی بارے دَسنا تے تلیم دینا اے۔‏ نوجوانو!‏ کیہہ تُسی اپنی طاقت تے زور نُوں پہل‌کار دے طور تے خدمت کرن لئی استمال کر سکدے او؟‏—‏امثال 20:‏29‏۔‏

جے تُسی پہل‌کار بننا چاہندے او تے فیر اپنے روز دے کماں چ کجھ ایس طرحاں ردوبدل کرو کہ تُسی ایہہ خدمت شروع کر سکو۔‏ (‏لُوقا 14:‏28-‏30‏)‏ مثال لئی جے تُسی پہل‌کار بنو گے تے فیر تُسی اپنے خرچے کیویں پورے کرو گے؟‏ تُسی اپنے گھنٹے کیویں پورے کرو گے؟‏ ایس بارے یہوواہ کولوں دُعا کرو۔‏ (‏زبور 37:‏5‏)‏ اپنے منصوبے بارے اپنے ماں‌پیو تے تجربہ‌کار پہل‌کاراں نال گل کرو۔‏ ایہدے بعد اپنے منصوبے مطابق عمل کرو۔‏ یقین رکھو کہ یہوواہ تواڈی محنت تے جوش چ برکت پاوے گا۔‏

ویڈیو ‏”‏یہوواہ دی وڈیائی کرن والے نوجوان‏“‏ ویکھو تے ایہناں سوالاں دے جواب دَوو:‏

• کجھ نوجواناں نے پہل‌کار بنن لئی کیہڑیاں مشکلاں دا سامنا کیتا تے ایہناں اُتے قابو کیویں پایا؟‏

• ماں‌پیو پہل‌کار بنن لئی اپنے بچیاں دی مدد کیویں کر سکدے نیں؟‏

• مُنادی دے کم لئی شیڈول بنانا کیوں ضروری اے؟‏

• کلیسیا دے بھین بھرا اِک پہل‌کار دی مدد کیویں کر سکدے نیں تے اوہدا حوصلہ کیویں ودھا سکدے نیں؟‏

• پہل‌کار دے طور تے خدمت کرن والیاں نُوں کیہڑیاں برکتاں مِلدیاں نیں؟‏