سانوں یہوواہ نُوں پیار کرن والیاں نال وقت کیوں گزارنا چاہی دا اے؟‏ کیونکہ جیہڑ‌ے لوکاں نال اَسی اُٹھنے بیٹھنے آں،‏ اوہناں دا ساڈے تے چنگا یاں بھیڑا اثر ہو سکدا اے۔‏ (‏امثال 13:‏20‏)‏ مثال دے طور تے جدوں تک بادشاہ یوآس سردار کاہن یہویدع نال رہے،‏ اوہناں نے اوہی کیتا جو یہوواہ دی نظر چ صحی سی۔‏ (‏2-‏تواریخ 24:‏2‏)‏ پر یہویدع دی موت توں بعد یوآس نے بھیڑے ساتھیاں دے اثر دی وجہ توں یہوواہ خدا نُوں چھڈ دِتا۔‏—‏2-‏تواریخ 24:‏17-‏19‏۔‏

پہلی صدی عیسوی چ پولُس رسول نے کہیا کہ مسیحی کلیسیا اِک وڈے گھر وانگوں اے تے ایہدے ممبر گھر چ استمال ہون والے پانڈیاں وانگوں نیں۔‏ اَسی اوہدوں چنگے کماں لئی استمال ہون والے پانڈیاں وانگوں ثابت ہنے آں جدوں اَسی اوہناں لوکاں نال دوستی کرن توں بچنے آں جیہڑ‌ے یہوواہ نُوں پیار نئیں کردے بھانویں اوہ ساڈے خاندان یاں کلیسیا دے فرد ای کیوں نہ ہون۔‏ (‏2-‏تیمُتھیُس 2:‏20،‏ 21‏)‏ ایس لئی سانوں اوہناں نال دوستی کرنی چاہی دی اے جیہڑ‌ے یہوواہ نُوں پیار کردے نیں تے اوہدی خدمت کرن لئی ساڈا حوصلہ ودھا سکدے نیں۔‏

ویڈیو ‏”‏بھیڑے ساتھیاں دے اثر توں بچنا سکھو‏“‏ ویکھو تے فیر ایہناں سوالاں دے جواب دَوو:‏

• کجھ طریقے کیہڑے نیں جنہاں دے ذریعے بھیڑے ساتھی ساڈی زندگی چ وڑ سکدے نیں؟‏

• ویڈیو چ وکھائے گئے تِن مسیحی نوجوان بھیڑے ساتھیاں دے اثر توں بچن دے قابل کیویں ہوئے؟‏

• بائبل دے کیہڑے اصول سمجھ‌داری نال اپنے ساتھی چُنن چ ساڈی مدد کر سکدے نیں؟‏