22-28 جنوری
ایوب 38، 39
گیت نمبر 11 تے دُعا | عبادت دے شروع چ کجھ خاص گلاں (1 منٹ)
1. کیہہ تُسی خدا دِیاں بنائیاں ہوئیاں چیزاں تے غور کرن لئی وقت کڈھدے او؟
(10 منٹ)
زمین نُوں بنان توں بعد یہوواہ نے ایہدے تے غور کرن لئی وقت کڈھیا۔ (پیدایش 1:10، 12؛ ایوب 38:5، 6؛ م21.08 ص. 9 پ. 7)
فرشتیاں نے یہوواہ دِیاں بنائیاں ہوئیاں چیزاں تے غور کرن لئی وقت کڈھیا۔ (ایوب 38:7؛ م20.08 ص. 14 پ. 2)
یہوواہ دِیاں بنائیاں ہوئیاں چیزاں تے غور کرن تے ایہناں دی قدر کرن نال اَسی یہوواہ تے اپنے بھروسے نُوں مضبوط کر سکنے آں۔ (ایوب 38:32-35؛ م23.03 ص. 17 پ. 8)
2. سنہری گلاں
(10 منٹ)
-
ایوب 38:8-10—ایہناں ایتاں توں سانوں شریعت دین والے خدا، یہوواہ بارے کیہہ پتہ چلدا اے؟ (آئیٹی-2 ص. 222)
-
تُسی ایوب 38 تے 39 باب وچوں کیہڑیاں سنہری گلاں سکھیاں نیں؟
3. بائبل چوں پڑھائی
(4 منٹ) ایوب 39:1-22 (”تلیم دین تے پڑھن چ ماہر بنو،“ نکتہ نمبر 5)
4. گل بات شروع کرنا
(2 منٹ) موقع مِلن تے گواہی۔ جدوں توانوں لگے کہ کوئی بندہ تواڈی گل نئیں سننا چاہندا تے فیر وی اپنی گل بات نُوں چنگے طریقے نال ختم کرو۔ (”پیار وکھاؤ،“ سبق نمبر 2، نکتہ نمبر 3)
5. گل بات نُوں جاری رکھنا
(5 منٹ) گھر گھر گواہی۔ پچھلی وار اوس بندے نے توانوں دَسیا سی کہ کجھ چر پہلاں ای اوہدا کوئی عزیز فوت ہو گیا اے۔ (”پیار وکھاؤ،“ سبق نمبر 9، نکتہ نمبر 3)
6. تقریر
(5 منٹ) کتاب ”پیار وکھاؤ“ اضافی معلومات 1، نکتہ نمبر 1—موضوع: دُنیا دے حالات تے لوکاں دے رویے توں پتہ چلدا اے کہ بوہت چھیتی سب کجھ بدلن والا اے۔ (”تلیم دین تے پڑھن چ ماہر بنو،“ نکتہ نمبر 16)
گیت نمبر 111
7. خدا دِیاں بنائیاں ہوئیاں چیزاں تے غور کرن نال اَسی اپنا دھیان سب توں اہم گل تے رکھ سکنے آں
(15 منٹ) حاضرین نال گل بات۔
جدوں شیطان نے ایوب تے حملہ کیتا نالے اوہدے تِن دوستاں نے اوہنوں بُرا بھلا کہیا تے اوہدا سارا دھیان ایس گل تے لگ گیا کہ اوہنوں کیہڑیاں مشکلاں دا سامنا کرنا پے رہیا اے۔ اوہ ایہہ سوچن لگ پیا کہ اوہدے تے بغیر کسے وجہ توں اِلزام لائے جا رہے نیں۔
ایوب 37:14 نُوں پڑھو۔ فیر حاضرین کولوں ایہہ سوال پچھو:
ایوب نُوں کیہہ کرن دی لوڑ سی تاکہ اوہ فیر توں اپنا دھیان سب توں اہم گل تے رکھ سکے؟
جدوں اَسی اپنیاں مشکلاں دی وجہ توں حدوں ودھ پریشان ہو جانے آں تے یہوواہ دِیاں بنائیاں ہوئیاں چیزاں تے غور کرن نال اَسی یاد رکھ سکنے آں کہ اوہ کِنّاں عظیم اے۔ اِنج ساڈا ایہہ عزم مضبوط ہوندا اے کہ اَسی یہوواہ دے وفادار رہواں گے نالے ایس گل تے ساڈا بھروسا وی ودھدا اے کہ یہوواہ ساڈا خیال رکھ سکدا اے۔ —متی 6:26۔
ویڈیو ”ایوب دی کتاب توں سبق—جانور“ چلاؤ۔ فیر حاضرین کولوں ایہہ سوال پچھو:
ایس ویڈیو توں یہوواہ تے تواڈا بھروسا کیویں مضبوط ہویا اے؟
8. کلیسیا دے طور تے بائبل دا مطالعیا
(30 منٹ) ”ایمان ظاہر کریں،“ (اردو)، باب نمبر 7 پیراگراف نمبر 1-14؛ سوال (پنجابی شاہ مکھی)
