26 فروری–3 مارچ
زبور 11-15
گیت نمبر 139 تے دُعا | عبادت دے شروع چ کجھ خاص گلاں (1 منٹ)
1. اپنے آپ نُوں امن نال بھری نوِیں دُنیا چ ویکھو
(10 منٹ)
جدوں لوک قانون نُوں نئیں من دے تے ظلم ودھدا اے۔ (زبور 11:2، 3؛ م06 1/6 ص. 5 پ. 3)
اَسی بھروسا رکھ سکنے آں کہ بوہت چھیتی یہوواہ ظلم نُوں ختم کر دَوے گا۔(زبور 11:5؛ مع 16.3 ص. 15)
جے اَسی نجات بارے یہوواہ دے وعدے تے اپنا دھیان رکھاں گے تے اَسی صبر نال نوِیں دُنیا دا اِنتظار کر سکاں گے۔ (زبور 13:5، 6؛ م17.08 ص. 7 پ. 15)
ایہہ کر کے ویکھو: حِزقیایل 34:25 نُوں پڑھو تے اپنے آپ نُوں امن نال بھری اوس دُنیا چ ویکھو جدا ایس ایت چ ذکر ہویا اے۔—کےآر ص. 236 پ. 16۔
2. سنہری گلاں
(10 منٹ)
-
زبور 14:1—ایس ایت چ لکھی گل دا ساڈے تے کیویں اثر ہو سکدا اے؟ (م13 15/9 ص. 20 پ. 12)
-
تُسی 11 توں 15 زبور وچوں کیہڑیاں سنہری گلاں سکھیاں نیں؟
3. بائبل چوں پڑھائی
(4 منٹ) زبور 13:1–14:7 (”تلیم دین تے پڑھن چ ماہر بنو،“ نکتہ نمبر 2)
4. گل بات شروع کرنا
(2 منٹ) موقع مِلن تے گواہی۔ اوس بندے نُوں مسیح دی یادگیری تے آن دی دعوت دَوو جدے نال تُسی گل کر رہے او۔ (”پیار وکھاؤ،“ سبق نمبر 5، نکتہ نمبر 3)
5. گل بات شروع کرنا
(1 منٹ) گھر گھر گواہی۔ اوس بندے نُوں مسیح دی یادگیری تے آن دی دعوت دَوو جدے نال تُسی گل کر رہے او۔ (”پیار وکھاؤ،“ سبق نمبر 3، نکتہ نمبر 4)
6. گل بات شروع کرنا
(3 منٹ) گھر گھر گواہی۔ مُنادی چ مِلن والا بندہ مسیح دی یادگیری دے دعوتنامے چ دلچسپی وکھاندا اے۔ (”پیار وکھاؤ،“ سبق نمبر 7، نکتہ نمبر 4)
7. شاگرد بنانا
(5 منٹ) ”خوشیاں بھری زندگی پاؤ“ سبق نمبر 13 خلاصہ، دہرائی تے ہُن ایہہ کرو۔ ”ہور جانن لئی“ والے حصے چوں کسے مضمون دے ذریعے اپنے طالبِعلم دی ایہہ سمجھن چ مدد کرو کہ خدا جھوٹھے مذہب بارے کیہو جیہا محسوس کردا اے۔ (”تلیم دین تے پڑھن چ ماہر بنو،“ نکتہ نمبر 12)
گیت نمبر 8
8. حکمت ہتھیاراں نالوں بہتر اے
(10 منٹ) حاضرین نال گل بات۔
دُنیا بھر چ ظلم ودھدا جا رہیا اے۔ یہوواہ جان دا اے کہ جدوں اَسی دُوجیاں تے ظلم تے تشدد ہوندیاں ویکھنے آں یاں جدوں سانوں ایہدا سامنا کرنا پیندا اے تے اَسی بوہت زیادہ پریشان ہو جانے آں۔ اوہ ایہہ وی جان دا اے کہ اَسی محفوظ رہنا چاہنے آں۔ اِک طریقہ جدے ذریعے اوہ ساڈی حفاظت کردا اے، اوہ اوہدا کلام بائبل اے۔—زبور 12:5-7۔
بائبل چ پائی جان والی دانشمندی جنگ دے ہتھیاراں نالوں بہتر اے۔ (واعظ 9:18) بائبل دے جیہڑے اصول تھلے دِتے گئے نیں، اوہناں تے غور کرن نال تُسی ظلم تے تشدد دا شکار ہون توں کیویں بچ سکدے او۔
-
واعظ 4:9، 10—ایہو جہے علاقیاں چ کلّے نہ جاؤ جیہڑے محفوظ نئیں تے نہ ای کسے خطرناک صورتحال دا کلّے سامنا کرو۔
-
امثال 22:3—جدوں تُسی کِتے باہر جاندے او تے دھیان رکھو کہ تواڈے آلے دوالے کیہہ ہو رہیا اے۔
-
امثال 26:17—دُوجیاں دی لڑائی چ نہ پووو۔
-
امثال 17:14—جے توانوں لگے کہ کسے جگہ تے لوک لڑائی جھگڑا شروع کر سکدے نیں تے اوتھوں فوراً چلے جاؤ۔ نالے ایہو جہی جگہ توں وی دُور رہوو جتھے لوک جلوس کڈھن لئی کٹھے ہو رہے ہون۔
-
لُوقا 12:15—اپنیاں شیواں بچان لئی اپنی جان خطرے چ نہ پاؤ۔
ویڈیو ”ایمان والیاں دی مثالاں تے چلو نہ کہ بُرے لوکاں دی—حنوک دی نہ کہ لمک دی“ چلاؤ۔ فیر حاضرین کولوں ایہہ سوال پچھو:
جدوں اِک بھرا تے اوہدے گھر والیاں نُوں تشدد دا سامنا کرنا پیا تے حنوک دی مثال دا اوس بھرا دے فیصلے تے چالچلن تے کیہہ اثر ہویا؟—عبرانیوں 11:5
کجھ صورتاں چ شاید اِک مسیحی نُوں لگے کہ اوہ اپنی تے اپنیاں چیزاں دی حفاظت کرن لئی کجھ ضروری قدم چُک سکدا اے۔ پر اِنج کردے ویلے اوہنوں یاد رکھنا چاہی دا اے کہ اوہدی وجہ توں کسے دی جان نہ چلی جائے۔—زبور 51:14؛ اُردو زبان چ جولائی 2017 دے ”مینارِنگہبانی“ چ ”قارئین کے سوال“ نُوں ویکھو۔
9. یادگیری عبادت دے دعوتنامے ونڈن دی مہم ہفتہ، 2 مارچ توں شروع ہوئے گی
(5 منٹ) اِک بزرگ ایس حصے نُوں پیش کرے۔ دَسو کہ مہم، خاص تقریر تے یادگیری عبادت لئی کیہڑے بندوبست کیتے گئے نیں۔ مبشراں نُوں یاد دَواؤ کہ اوہ مارچ تے اپریل دے مہینیاں چ 15 گھنٹے مُنادی کر کے پہلکار دے طور تے خدمت کر سکدے نیں۔
10. کلیسیا دے طور تے بائبل دا مطالعیا
(30 منٹ) ”ایمان ظاہر کریں،“ باب نمبر 9، پیراگراف نمبر 14-24، صفحہ نمبر 82 تے دہرائی لئی سوال؛ سوال (پنجابی شاہ مکھی)
