ساڈی زندگی لئی ضروری گلاں
تُسی اپنے گھر دے ماحول نُوں خوشگوار بنان لئی کیہہ کر سکدے او؟
یہوواہ چاہندا اے کہ خاندان خوش رہن۔ (زبور 127:3-5؛ واعظ 9:9؛ 11:9) پر کدی کدار دُنیا دِیاں پریشانیاں تے گھر والیاں دِیاں غلطیاں دی وجہ توں ایہہ خوشی گھٹ جاندی اے۔ گھرانے دا ہر جی خوشی نُوں ودھان لئی کیہہ کر سکدا اے؟
اِک چنگا شوہر اپنی بیوی دی عزت کردا اے۔ (1-پطرس 3:7) اوہدے نال وقت گزار دا اے۔ نالے اوہ اوہدے کولوں حدوں ودھ توقع نئیں کردا سگوں بیوی اوہدے تے گھرانے لئی جو کجھ وی کردی اے اوہ اوہدی قدر کردا اے۔ (کلسیوں 3:15) اوہ اوہدے لئی پیار وکھاندا اے تے اوہدی تعریف کردا اے۔—امثال 31:28، 31۔
اِک چنگی بیوی اپنے شوہر دا ساتھ دین دی پوری کوشش کردی اے۔ (امثال 31:12) اوہ شوہر دی تابعدار رہندی اے تے اوہدے نال تعاون کردی اے۔ (کلسیوں 3:18) اوہ نہ صرف اوہدے نال گل کردے ویلے سگوں دُوجیاں نال اوہدے بارے گل کردے ویلے وی عزت وکھاندی اے۔—امثال 31:26۔
ماں پیو اپنے بچیاں نال وقت گزاردے نیں۔ (اِستثنا 6:6، 7) اوہ اپنے بچیاں نُوں دَسدے نیں کہ اوہ اوہناں نُوں کِنّاں پیار کردے نیں۔ (متی 3:17) اوہ بڑے پیار تے سمجھداری نال بچیاں دی درستی کردے نیں۔—اِفسیوں 6:4۔
بچے اپنے ماں پیو دی عزت کردے نیں تے اوہناں دا کہنا من دے نیں۔ (امثال 23:22) اوہ اپنے ماں پیو نُوں کُھل کے دَسدے نیں کہ اوہ کیہہ سوچ دے نیں تے کیہو جیہا محسوس کردے نیں۔ جدوں ماں پیو بچیاں دی درستی کردے نیں تے اوہ اوہناں دی گل من دے نیں تے اِنج اوہناں لئی عزت وکھاندے نیں۔—امثال 19:20۔
ویڈیو ”اپنے گھر دا ماحول خوشگوار بناؤ“ نُوں ویکھو تے فیر ایہناں سوالاں دے جواب دَوو:
گھر دے ماحول نُوں خوشگوار بنان لئی ہر جی نے کیہہ کیتا؟
