خدمتی سال لئی تواڈے منصوبیاں چ اوہ ساریاں کوششاں شامل نیں جیہڑیاں تُسی یہوواہ دی زیادہ توں زیادہ خدمت کر‌ن تے اوہنوں خوش کر‌ن لئی کر‌دے او۔ ایہناں منصوبیاں نُوں پورا کر‌ن چ اپنا وقت تے طاقت لان نال سانوں بڑا فائدہ ہوند‌ا اے کیونکہ ایہہ پُختہ مسیحی بنن چ ساڈی مدد کر‌دے نیں۔ (‏1-‏تیمُتھیُس 4:‏15‏)‏ سانوں اپنے منصوبیاں دا باقاعدگی نال جائزہ کیوں لینا چاہی دا اے؟ کیونکہ حالات بدلدے رہندے نیں۔ ایس لئی ہو سکدا اے کہ اَسی جیہڑا منصوبہ بنایا سی اوہنوں پورا کر‌نا ممکن نئیں رہیا یاں شاید اَسی اپنا منصوبہ پورا کر لیا اے تے ہُن سانوں کوئی ہور منصوبہ بنان دی لوڑ  اے۔‏

نواں خدمتی سال شروع ہون توں پہلاں اپنے منصوبیاں دا جائزہ لینا  بہتر ہوند‌ا اے۔ اپنی خاند‌انی عبادت دے دوران ایس بارے گل بات کر‌و کہ تُسی اپنے لئی تے خاند‌ان لئی کیہڑے منصوبے بنا سکدے او۔‏

ایہناں معاملیاں بارے تُسی کیہڑے منصوبے بنائے نیں تے اوہناں نُوں پورا کر‌ن لئی تُسی کیہہ کجھ کر‌و گے؟‏