ساڈی زندگی لئی ضروری گلاں
اوہ ساڈے لئی بڑی محنت کردے نیں
حلقے دے نگہبان تے اوہناں دِیاں بیویاں بھین بھراواں لئی دلوں پیار وکھاندے نیں تے اوہناں دی مدد کرن لئی تیار رہندے نیں۔ ساڈے وانگوں اوہناں دِیاں وی ذاتی ضرورتاں ہوندیاں نیں۔ نالے کدی کدار اوہناں نُوں وی پریشانی، تھکاوٹ تے مایوسی دا سامنا ہوندا اے۔ (یعقوب 5:17) پر فیر وی ہر ہفتے اوہ اوہناں بھین بھراواں دا حوصلہ ودھاندے نیں جنہاں دی کلیسیا دا اوہ دَورہ کردے نیں۔ واقعی حلقے دے نگہبان دُونی عزت دے لائق نیں۔—1-تیمُتھیُس 5:17۔
پولُس رسول نے روم دے بھین بھراواں دا ایمان مضبوط کرن لئی اوہناں کول جان دا فیصلہ کیتا۔ اوہنے کہیا کہ ایہدے توں نہ صرف اوہناں دا حوصلہ ودھے گا سگوں اوہدا اپنا ایمان وی مضبوط ہوئے گا۔ (رومیوں 1:11، 12) کیہہ تُسی کدی سوچیا اے کہ تُسی اپنے حلقے دے نگہبان تے (جے اوہ شادیشُدہ اے) اوہدی بیوی دا حوصلہ کیویں ودھا سکدے او؟
ویڈیو ”پِنڈاں چ خدمت کرن والے حلقے دے نگہبان دی زندگی“ نُوں ویکھو تے فیر ایہناں سوالاں دے جواب دَوو:
-
حلقے دے نگہبان تے اوہناں دِیاں بیویاں بھین بھراواں لئی پیار کیویں وکھاندے نیں تے کیہڑیاں قربانیاں دیندے نیں؟
-
توانوں اوہناں دی محنت توں ذاتی طور تے کیہہ فائدہ ہویا اے؟
-
اَسی اوہناں دا حوصلہ کیویں ودھا سکنے آں؟
