• زبور 69:‏30، 31‏—‏ایہناں ایتاں توں سانوں اپنیاں دُعاواں نُوں ہور بہتر بنان چ مدد کیویں مِلدی اے؟ (‏م99 15/‏1 ص.‏ 18 پ.‏ 11‏)‏

  باوج اڈاوت

• تُسی 69 زبور وچوں کیہڑیاں سنہری گلاں سکھیاں نیں؟‏

  باوج اڈاوت

جنوری 2009 چ کلیسیائی کتابی مطالعے نُوں مسیحی خدمتی سکول تے خدمتی عبادت چ شامل کر دِتا گیا۔ اِنج ہفتے دے دوران اِک ای عبادت ہون لگ پئی۔ ایس وجہ توں سارے خانداناں نُوں موقع مِلیا کہ اوہ ہفتے چ اِک دن اپنے گھر والیاں دِیاں لوڑاں مطابق خاندانی عبادت کر سکن۔ بوہت سارے بھین بھرا ایس اِنتظام لئی شکرگزار نیں کیونکہ ایہدی وجہ توں اوہ یہوواہ تے اِک دُوجے دے ہور نیڑے ہو گئے نیں۔—‏اِستثنا 6:‏6، 7‏۔‏

گھر دے سربراہ کیہڑے اصولاں تے عمل کر سکدے نیں تاکہ خاندانی عبادت توں ساریاں نُوں فائدہ ہوئے؟‏

• باقاعدگی نال خاندانی عبادت کرو۔‏ جے ہو سکے تے پہلاں توں ای سوچ لوو کہ تُسی کیہڑے دن تے کیس ٹائم تے خاندانی عبادت کرو گے۔ جے طے کیتے ہوئے دن تے خاندانی عبادت نہ ہو سکے تے فیر ایہنوں کسے ہور دن تے کرو۔‏

• تیاری کرو۔‏ اپنی بیوی نال مل کے تیاری کرو۔ تُسی کدی کدی اپنے بچیاں کولوں وی مشورے لے سکدے او۔ جے تواڈے گھر والیاں نُوں ہر ہفتے خاندانی عبادت چ اِکو طرحاں دے کم کرنے پسند نیں تے فیر شاید توانوں اینی زیادہ تیاری کرن دی لوڑ نئیں ہوئے گی۔‏

• اپنے گھرانے دِیاں لوڑاں نُوں ذہن چ رکھو۔‏ جیویں جیویں بچے وڈے ہوندے نیں، اوہناں دِیاں لوڑاں تے صلاحیتاں وی بدل جاندیاں نیں۔ خاندانی عبادت توں گھر دے ہر جی نُوں یہوواہ دے نیڑے جان چ مدد ملنی چاہی دی اے۔‏

• پیار بھریا تے خوش‌گوار ماحول قائم رکھو۔‏ جے موسم چنگا اے تے کدی کدی تُسی باہر جا کے وی خاندانی عبادت کر سکدے او۔ نالے تُسی عبادت دے دوران وقفہ وی لے سکدے او۔ ایہہ چنگا ہوئے گا کہ خاندانی عبادت چ تُسی اوہناں مشکلاں بارے گل‌بات کرو جنہاں دا تواڈے گھر والیاں نُوں سامنا ہو رہیا اے۔ پر خاندانی عبادت دا مقصد اوہناں دی درستی کرنا یاں اوہناں نُوں طعنے مارنا نئیں ہونا چاہی دا۔‏

• دلچسپی پیدا کرو۔‏ مثال لئی تُسی خاندانی عبادت دے دوران ساڈی ویب‌سائٹ توں کوئی ویڈیو ویکھ کے اوہدے تے گل‌بات کر سکدے او، اگلی عبادت دی تیاری کر سکدے او تے مُنادی لئی تیاری کر سکدے او۔ بھانویں کہ خاندانی عبادت دا مقصد آپس چ گل‌بات کرنا اے پر ایس دوران گھر دے جی اپنا اپنا ذاتی مطالعیا وی کر سکدے نیں۔‏

ایس سوال تے گل‌بات کرو:‏

• تُسی خاندانی عبادت چ ایہناں اصولاں تے کیویں عمل کیتا اے؟‏

  باوج اڈاوت