ایہہ مہارت ضروری کیوں اے؟‏ پاک روح نال مسح کیتے ہوئے مسیحی تے دُوجیاں بھیڈاں،‏ سارے لوکاں نُوں زندگی دا پانی مُفت لین دی دعوت دے رہے نیں۔‏ (‏مکاشفہ 22:‏17‏)‏ ایہہ پانی اوہناں ساریاں برکتاں وَل اشارہ کردا اے جیہڑ‌یاں یہوواہ خدا وفادار انساناں نُوں دَوے گا تاکہ اوہ گُناہ تے موت دی غلامی توں آزادی پا سکن۔‏ کیونکہ اَسی فرق فرق ثقافتاں تے مذہباں دے لوکاں دی مدد کرنا چاہنے آں ایس لئی سانوں ابدی خوش‌خبری دا پیغام ایہو جہے طریقے نال سنانا چاہی دا اے کہ ہر اِک نُوں لگے کہ ایہہ میرے لئی اے۔‏—‏مکاشفہ 14:‏6‏۔‏

تُسی کیہہ کر سکدے او؟‏

• کوئی ایہو جیہا موضوع یاں ایت چُنؤ جدے چ تواڈے علاقے دے لوک دلچسپی لین۔‏ تُسی گل بات لئی دِتے گئے مشورے نُوں استمال کر سکدے او یاں کوئی ایہو جیہا موضوع چُن سکدے او جدے بارے لوکاں نے پہلاں وی بڑے دھیان نال تواڈی گل سنی سی۔‏ سوچو کہ تواڈے علاقے دے لوک کیہڑیاں ایتاں تے موضوع بارے گل کرنا پسند کردے نیں؟‏ کیہہ حال ای چ کوئی ایہو جیہا واقعہ پیش آیا اے جدے بارے لوک گل کر رہے نیں؟‏ مرد کیہڑے موضوع تے گل کرنا پسند کرن گے تے عورتاں کیہڑے موضوع تے؟‏

• گل بات شروع کردے ویلے اپنے علاقے دے حساب نال سلام دُعا لوو۔‏—‏2-‏کُرنتھیوں 6:‏3،‏ 4‏۔‏

• اوہناں کتاباں تے ویڈیوز توں چنگی طرحاں واقف ہووو جیہڑ‌یاں ساڈے تلیم دین دے اوزاراں چ نیں تاکہ تُسی دلچسپی وکھان والے لوکاں نُوں ایہناں دے ذریعے گواہی دے سکو۔‏

• اوہناں زباناں چ کتاباں تے رسالے لے کے جاؤ یاں ڈاؤن‌لوڈ کرو جیہڑ‌یاں تواڈے علاقے چ بولیاں جاندیاں نیں۔‏

• سنن والیاں دی لوڑ مطابق اپنی گل بات نُوں ڈھالو۔‏ (‏1-‏کُرنتھیوں 9:‏19-‏23‏)‏ مثال دے طور تے جے توانوں پتہ چلدا اے کہ جیہڑ‌ے بندے نال تُسی گل کر رہے او،‏ اوہدا کوئی عزیز فوت ہو گیا اے تے تُسی کیہہ کہوو گے؟‏

ویڈیو ویکھو تے فیر ایہناں سوالاں دے جواب دَوو:‏

• مبشر نے کیس موضوع نال گل شروع کیتی؟‏

• صاحبِ‌خانہ کیس گل توں پریشان سی؟‏

• ایس صورتحال چ کیہڑی ایت استمال کیتی جا سکدی سی تے کیوں؟‏

• تُسی اپنی گل بات اپنے علاقے دے لوکاں دِیاں لوڑاں مطابق کیویں ڈھال سکدے او تاکہ اوہ تواڈی گل دھیان نال سنن؟‏