ساڈی زندگی لئی ضروری گلاں
جدوں کوئی توانوں ڈراندا دھمکاندا اے تے یہوواہ تے بھروسا رکھو
جدوں کوئی سانوں ڈراندا دھمکاندا اے تے ایہدا ساڈی صحت تے جذبات تے بڑا بھیڑا اثر ہو سکدا اے۔ ہو سکدا اے کہ جدوں لوک سانوں یہوواہ دے گواہ ہون دی وجہ توں ڈران دھمکان تے یہوواہ نال ساڈا رشتہ کمزور ہو جائے۔ تُسی ایہو جہی صورتحال توں کیویں بچ سکدے او؟
یہوواہ دے بوہت سارے بندیاں نے اوہدے تے بھروسا رکھ کے بڑی کامیابی نال اوہناں لوکاں دا سامنا کیتا جیہڑے اوہناں نُوں ستاندے سن۔ (زبور 18:17) مثال لئی،آستر نے ہامان دے اوہناں بھیڑے منصوبیاں بارے دُوجیاں نُوں دَسیا جیہڑے اوہنے یہودیاں نُوں ستان لئی بنائے سن۔ (آستر 7:1-6) پر اِنج کرن توں پہلاں، اوہنے یہوواہ تے اپنا بھروسا ظاہر کرن لئی روزہ رکھیا۔ (آستر 4:14-16) یہوواہ نے اوہدی کوششاں تے برکت پائی تے اوہدی تے اپنی قوم دی حفاظت کیتی۔
نوجوانو، جے توانوں وی ستایا جاندا اے تے آستر وانگوں یہوواہ کولوں مدد منگو۔ نالے اپنے مسئلے بارے کسے وڈے نُوں دَسو جیویں کہ تواڈے ماں پیو۔ ایس گل دا یقین رکھو کہ جیویں یہوواہ نے آستر دی مدد کیتی اوہ تواڈی وی مدد کرے گا۔ جے توانوں کوئی ستاندا اے تے تُسی ہور کیہڑے طریقیاں نال اوہدا سامنا کر سکدے او؟
ویڈیو ”میری جوانی دِیاں کجھ یاداں—جدوں سانوں کوئی ستاندا اے“ نُوں ویکھو تے فیر ایہناں سوالاں دے جواب دَوو:
-
نوجوان چارلی تے فیرین دی مثال توں کیہہ سکھ سکدے نیں؟
-
ما پیو جے تواڈے بچیاں نُوں ستایا جاندا اے تے اوہناں دی مدد کرن بارے تُسی چارلی تے فیرین دِیاں گلاں توں کیہہ سکھیا اے؟
