ساڈی زندگی لئی ضروری گلاں
اَسی بائبل کورس بارے ویڈیوز کیویں استمال کر سکنے آں؟
ساڈے کول بائبل کورس بارے چار ویڈیوز نیں۔ ایہناں وچوں ہر اِک نُوں کیس مقصد لئی تیار کیتا گیا اے؟
-
بائبل وچ دلچسپی کیوں لینی چاہی دی اے؟—پوری ویڈیو: ایہہ ویڈیو ایس لئی تیار کیتی گئی اے تاکہ لوکاں چ بائبل بارے جانن دا شوق پیدا ہوئے فیر بھانویں اوہناں دا تعلق کسے وی مذہب نال ہوئے۔ ایہہ لوکاں نُوں حوصلہ دیندی اے کہ اوہ زندگی دے وڈے وڈے سوالاں دے جواب لبھن دی کوشش کرن تے کجھ اہم سوالاں دے جواب ایس ویڈیو چ وی دِتے گئے نیں۔ ایہدے چ ایہہ وی دَسیا گیا اے کہ لوک بائبل کورس کرن دی درخاست کیویں کر سکدے نیں۔
-
بائبل وچ دلچسپی کیوں لینی چاہی دی اے؟—چھوٹی ویڈیو: ایہہ پوری ویڈیو ورگی اے پر اوہدے نالوں بوہت چھوٹی اے۔ ایہہ اوہناں لوکاں لئی بڑی فائدہمند ثابت ہو سکدی اے جنہاں کول گل بات لئی بوہتا وقت نئیں ہوندا۔
-
اَسی بائبل سٹڈی کورس کیویں کرانے آں؟: ایہنوں ایس لئی تیار کیتا گیا اے تاکہ ایہنوں ویکھن والیاں چ ساڈے مُفت بائبل کورس دے اِنتظام لئی دلچسپی ودھے۔ ایہدے چ بائبل کورس دے حوالے نالے کجھ سوالاں دے جواب دِتے گئے نیں۔ نالے ایہہ وی دَسیا گیا اے کہ لوک بائبل کورس کرن دی درخاست کیویں کر سکدے نیں۔
-
آؤ اِک دلچسپ بائبل کورس شروع کرئیے: ایہہ ویڈیو بائبل کورس شروع کرن والیاں لئی تیار کیتی گئی اے۔ بھانویں کہ ایس ویڈیو بارے کتاب خوشیاں بھری زندگی پاؤ دے صفحہ 2 تے دَسیا گیا اے پر اَسی ایہنوں تِن سبقاں والی کتاب چوں گلبات کردے ویلے وی وکھا سکنے آں۔ ایہدے چ دَسیا گیا اے کہ کتاب چ کیہڑے کیہڑے موضوعاں بارے گل کیتی گئی اے تے نالے بائبل کورس کیویں کرایا جائے گا۔
ایہناں ساریاں ویڈیوز نُوں اِک خاص مقصد نال تیار کیتا گیا اے پر اَسی ضرورت دے مطابق ایہناں وچوں کوئی وی وکھا سکنے آں یاں بھیج سکنے آں۔ مبشراں نُوں چاہی دا اے کہ اوہ ایہناں ویڈیوز توں چنگی طرحاں واقف ہو جان تے مُنادی چ ایہناں نُوں اثردار طریقے نال استمال کرن۔
