ایہہ ضروری کیوں اے؟‏ ساڈا ماہر اُستاد یہوواہ خدا سب توں ودھیا تلیم دیندا اے۔‏ اوہ سانوں سکھاؤندا اے کہ اَسی اپنی زندگی نُوں بہتر کیویں بنا سکنے آں تے اِک شان‌دار مستقبل حاصل کرن لئی کیہہ کر سکنے آں۔‏ اوہ سانوں بالکل مُفت تلیم تے تربیت دیندا اے۔‏ (‏یسعیاہ 11:‏6-‏9؛‏ 30:‏20،‏ 21؛‏ مکاشفہ 22:‏17‏)‏ یہوواہ کولوں تلیم پا کے اَسی دُوجیاں نُوں اوہ پیغام سناؤن دے قابل ہنے آں جدے ذریعے اوہناں دی زندگی بچ سکدی اے۔‏—‏2-‏کُرنتھیوں 3:‏5‏۔‏

تُسی کیہہ کر سکدے او؟‏

• اپنے اندر حلیمی تے خاکساری پیدا کرو۔‏—‏زبور 25:‏8،‏ 9‏۔‏

• جیہڑ‌ی تربیت توانوں ہُن مِل رہی اے،‏ اوہدے توں پورا فائدہ حاصل کرو۔‏ مثال دے طور تے ساڈی مسیحی زندگی تے خدمت والی عبادت چ مِلن والے ہر حصے نُوں قبول کرو۔‏

• یہوواہ دی ہور زیادہ خدمت کرن لئی منصوبے بناؤ۔‏—‏فِلپّیوں 3:‏13‏۔‏

• یہوواہ کولوں ہور زیادہ تربیت پاؤن دے لائق بنن لئی قربانیاں دَوو۔‏—‏فِلپّیوں 3:‏8‏۔‏

ویڈیو ‏”‏یہوواہ توں تلیم پاؤن والے روحانی طور تے امیر ہوندے نیں‏“‏ نُوں ویکھو تے فیر ایہناں سوالاں دے جواب دَوو:‏

• کجھ مبشراں نے بادشاہی دے مناداں لئی سکول توں تربیت پاؤن لئی کیہڑیاں مشکلاں نُوں پار کیتا؟‏

• بادشاہی دے مناداں لئی سکول چ کیہڑی تربیت دِتی جاندی اے؟‏

• ایس سکول توں تربیت پاؤن والے جیہڑ‌ی جیہڑ‌ی کلیسیا چ گئے،‏ اوتھوں دے بھین بھراواں نے اوہناں دی مدد کیویں کیتی؟‏

• بادشاہی دے مناداں لئی سکول چ ناں لکھواؤن لئی کیہڑیاں شرطاں تے پورا اُترنا ضروری اے؟‏ (‏کےآر ص.‏ 189)‏

• تُسی یہوواہ دی تنظیم وَلّوں ہور کیہڑی تربیت حاصل کرن دی کوشش کر سکدے او؟‏