ساڈی زندگی لئی ضروری گلاں
تُسی یسوع دی موت دی یاد چ ہون والی عبادت لئی تیاری کیویں کرو گے؟
ایس سال توں ساڈے کول یسوع دی موت دی یاد چ ہون والی عبادت لئی تیاری کرن واسطے ہور زیادہ وقت ہوئے گا۔ جدوں ایہہ عبادت ہفتے دے دوران کسے دن ہوئے گی اوہدوں اوس ہفتے ساڈی مسیحی زندگی تے خدمت والی عبادت نئیں ہوئے گی۔ جدوں ایہہ عبادت ہفتے یاں اِتوار والے دن ہوئے گی تے اوہدوں عوامی تقریر تے ”مینارِنگہبانی“ دا مطالعیا نئیں ہوئے گا۔ کیہہ تُسی اوس وقت دا صحی استمال کرو گے جیہڑا ایس تبدیلی دی وجہ توں ملے گا؟ پہلی صدی وانگوں اَج وی ایس خاص عبادت لئی کجھ بندوبست کرن دی لوڑ ہوندی اے۔ (لُوقا 22:7-13؛ بادشاہتی خدمتگزاری، 15/3 ص. 1) پر سانوں ساریاں نُوں ایس موقعے لئی اپنے دل نُوں وی تیار کرنا چاہی دا اے۔ اَسی اِنج کیویں کر سکنے آں؟
-
ایس گل تے غور کرو کہ ایس عبادت تے جانا کیوں ضروری اے۔—1-کُرنتھیوں 11:23-26۔
-
دُعا کرو تے ایس گل تے سوچوچار کرو کہ یہوواہ خدا نال تواڈی دوستی کِنّی گُوڑھی اے۔—1-کُرنتھیوں 11:27-29؛ 2-کُرنتھیوں 13:5۔
-
ایہو جہے مضمون پڑھو تے اوہناں تے غور کرو جنہاں چ ایس عبادت دی اہمیت بارے دَسیا گیا اے۔—یوحنا 3:16؛ 15:13۔
کجھ مبشر اوہناں ایتاں نُوں پڑھدے تے اوہناں تے سوچوچار کردے نیں جیہڑیاں کتاب ”روزبروز کتابِمُقدس سے تحقیق کریں“ چ ایس خاص عبادت دے حوالے نال دِتیاں جاندیاں نیں۔ کجھ بھین بھرا ایس مضمون نال دِتے گئے چارٹ وچوں ایتاں نُوں پڑھدے نیں۔ پر کجھ بھین بھرا ”م ینارِنگہبانی“ وچوں ایہو جہے مضمون دُبارہ پڑھدے نیں جنہاں وچ ایس خاص عبادت تے اوس محبت بارے دَسیا گیا اے جیہڑی یہوواہ خدا تے یسوع مسیح نے ساڈے لئی وکھائی اے۔ تُسی ایس خاص عبادت دی تیاری لئی جو کجھ وی پڑھو، ساڈی دُعا اے کہ اوہدے ذریعے تُسی یہوواہ خدا تے اوہدے پُتر دے ہور نیڑے ہو جاؤ۔