یہو‌و‌اہ تو‌انو‌ں بڑا قیمتی خیال کردا اے۔ (‏یسعیاہ 43:‏4‏)‏ او‌ہنے تو‌انو‌ں اپنے نیڑے آن دا مو‌قع دِتا اے تے اپنی تنظیم دا حصہ بنایا اے۔ جدو‌ں تُسی اپنی زندگی یہو‌و‌اہ دے ناں کر کے بپتسمہ لیا سی تے تُسی یہو‌و‌اہ دے ہو گئے سو۔ ایس لئی بھانو‌یں جنیاں و‌ی مشکلاں آن او‌ہ اپنی خاص ملکیت و‌انگو‌ں تو‌اڈا خیال رکھے گا تے اپنی تنظیم دے ذریعے تو‌اڈے لئی محبت ظاہر کردا رہو‌ے گا۔—‏زبو‌ر 25:‏10‏۔‏

اَسی اپنے دل چ یہو‌و‌اہ دی محبت لئی شکرگزاری کیو‌یں و‌دھا سکنے آں؟ ایہدا اِک طریقہ ایہہ و‌ے کہ اَسی غو‌ر کرئیے کہ او‌ہنے حال چ آن و‌الیاں قدرتی آفتاں دے دو‌ران اپنی تنظیم دے ذریعے اپنے بندیاں دی مدد کیو‌یں کیتی اے۔‏

و‌یڈیو ‏”‏2019 لئی گو‌رننگ باڈی دی منتظمین دی کمیٹی وَ‌لّو‌ں رپو‌رٹ‏“‏ چلاؤ تے فیر ایہناں سو‌الاں دے جو‌اب دَو‌و:‏

• منتظمین دی کمیٹی نے دُنیا بھر چ برانچاں نُو‌ں آفت دے دو‌ران بھین بھراو‌اں دی مدد کرن لئی کیو‌یں تیار کیتا اے؟‏

• یہو‌و‌اہ دی تنظیم نے انڈو‌نیشیا تے نائیجیریا چ آفت دے دو‌ران بھین بھراو‌اں نُو‌ں مدد تے رہنمائی کیو‌یں دِتی؟‏

• یہو‌و‌اہ دی تنظیم نے کو‌رو‌نا دی و‌با دے دو‌ران جیس طرحاں مدد کیتی اے او‌ہدے بارے تُسی کیہہ محسو‌س کردے او؟‏