شاگرد بناؤن لئی تربیت | مُنادی دے کم چ اپنی خوشی نُوں ودھاؤ
بائبل کورس کرن والیاں دی مدد کرو تاکہ اوہ بھیڑے دوستاں توں بچن
یہوواہ دے دوست بنن لئی ضروری اے کہ بائبل کورس کرن والے ایہو جہے دوست بنان جیہڑے یہوواہ نُوں پیار کردے نیں۔ (زبور 15:1، 4) چنگے دوستاں دا اوہناں تے چنگا اثر پووے گا تے اوہ زندگی چ صحی فیصلے کر سکن گے۔—امثال 13:20؛ ”خوشیاں بھری زندگی،“ سبق نمبر 48۔
بائبل کورس کرن والیاں لئی اپنے دُنیاوی دوستاں نُوں چھڈنا اسان نئیں ہوندا۔ ایس لئی اوہناں دی مدد کردے ویلے صبر تے ہمدردی نال پیش آؤ تے اوہناں چ ذاتی دلچسپی لوو۔ بائبل کورس دے علاوہ دُوجے موقعیاں تے وی اوہناں لئی فکر وکھاؤ۔ تُسی اوہناں نُوں میسج یاں فون کر سکدے او یاں اوہناں نُوں مِلن جا سکدے او۔ نالے کلیسیا دے بھین بھراواں نال وقت گزارن دی دعوت دے سکدے او۔ اِنج اوہ ویکھ سکن گے کہ اوہناں نُوں کلیسیا چ کِنّے ودھیا دوست مل سکدے نیں۔ (مرقس 10:29، 30) یہوواہ دے خاندان نُوں ودھدے ویکھ کے توانوں وی بڑی خوشی ہوئے گی۔
ویڈیو ”بائبل کورس کرن والیاں دی مدد کرو تاکہ اوہ بھیڑے دوستاں توں بچن“ چلاؤ تے فیر ایہناں سوالاں دے جواب دَوو:
-
بھیڑے دوست کون ہوندے نیں؟ (1-کُرنتھیوں 15:33)
-
جینی نے کلیسیا دے بھین بھراواں نال وقت گزارن بارے کیہہ تصور کیتا سی؟
-
نیتا نے بھیڑے دوست چھڈن تے چنگے دوست بنان چ جینی دی مدد کیویں کیتی؟
