ساڈی زندگی لئی ضروری گلاں
خدا دے کلام تے اپنے ایمان نُوں مضبوط کرو
بائبل چ ساڈی زندگی نُوں بدلن دی طاقت اے۔ (عبرانیوں 4:12) پر ایہدے توں رہنمائی پان لئی ضروری اے کہ اَسی پکا ایمان رکھیے کہ ایہہ خدا دا کلام اے۔ (1-تھسلُنیکیوں 2:13) بائبل تے اپنے ایمان نُوں مضبوط کرن لئی اَسی کیہہ کر سکنے آں؟
ہر روز بائبل پڑھو۔ بائبل نُوں پڑھدے ویلے ایہو جہیاں گلاں تے غور کرو جنہاں توں ثابت ہوندا اے کہ ایہنوں لکھوان والا یہوواہ ای اے۔ مثال لئی، تُسی امثال دی کتاب نُوں پڑھ سکدے او تے غور کر سکدے او کہ ایہدے چ دَسیاں گئیاں گلاں اَج وی ساڈے لئی کنیاں فائدہمند نیں۔—امثال 13:20؛ 14:30۔
تحقیق کرن دا منصوبہ بناؤ۔ اوہناں ثبوتاں بارے چنگی طرحاں جانو جنہاں توں پتہ چلدا اے کہ بائبل نُوں خدا نے لکھوایا اے۔ اِنج کرن لئی اُردو زبان چ کتاب ”یہوواہ کے گواہوں کے لئے مطالعے کے حوالے“ چوں موضوع ”بائبل“ چ حصہ ”خدا کے اِلہام سے“ چ جیہڑی معلومات اے، اوہنوں ویکھو۔ تُسی اُردو زبان چ مضمون ”بائبل ہمارے زمانے تک محفوظ کیسے رہی؟“ چ دِتی گئی معلومات تے غور کرن نال وی ایس گل تے اپنے ایمان نُوں مضبوط کر سکدے او کہ بائبل دا پیغام ہُن تک اوہی اے جیہڑا خدا نے لکھوایا سی۔
ویڈیو ”اَسی ایمان کیوں رکھ سکنے آں؟—خدا دے کلام اُتے“ نُوں ویکھو تے فیر ایہناں سوالاں دے جواب دَوو:
-
مصر دے اِک مندر دی دیوار تے جیہڑیاں تصویراں تے ناں ملے نیں، اوہناں توں ایہہ کیویں ثابت ہوندا اے کہ خدا دے کلام چ لکھیاں گلاں بالکل سچیاں نیں؟
-
اَسی ایہہ گل کیویں جاننے آں کہ بائبل دا پیغام نئیں بدلیا؟
-
بائبل اَج تک قائم اے۔ ایہدی وجہ توں تواڈا ایس گل تے ایمان کیویں مضبوط ہوندا اے کہ ایہہ خدا دا کلام اے؟—یسعیاہ 40:8 نُوں پڑھو۔
