ایہہ کیو‌ں ضرو‌ری اے؟‏ ایہدی و‌جہ ایہہ و‌ے کہ اَسی اچانک بیمار ہو سکنے آں تے سانو‌ں ہسپتال چ داخل ہو‌نا پے سکدا اے۔ ایس تو‌ں پہلاں کہ تو‌انو‌ں ایہو جہے کسے مسئلے دا سامنا کرنا پئے، ہُن و‌قت اے کہ تُسی تنظیم وَ‌لّو‌ں مِلن و‌الی مدد تو‌ں پو‌را فائدہ چکو تاکہ تو‌اڈا بہترین علاج ہو سکے۔ اِنج کرن نال تُسی ظاہر کرو گے کہ تُسی زندگی دی قدر کردے او تے خو‌ن بارے یہو‌و‌اہ دے حکم دا احترام کردے او۔—‏اعمال 15:‏28، 29‏۔‏

تُسی پہلے تو‌ں تیار رہن لئی کیہہ کجھ کر سکدے او؟‏

• دُعا کرو تے دھیان نال او‌س کارڈ نُو‌ں بھرو جدے چ دَسیا گیا اے کہ تو‌اڈے علاج بارے تو‌اڈی جگہ کو‌ن فیصلہ کر سکدا اے۔‏ a تُسی ایس کارڈ نُو‌ں نالے اپنے چھو‌ٹے بچیاں لئی کارڈ نُو‌ں کتاباں تے رسالیاں دی دیکھ‌بھال کرن و‌الے بھرا تو‌ں لے سکدے او۔‏

• جے تُسی حاملہ او تے بزرگاں کو‌لو‌ں او‌س معلو‌مات دی اِک کاپی لوَ‌و جیہڑی حاملہ عو‌رتاں و‌اسطے و‌ے۔ ایہہ معلو‌مات تو‌اڈی مدد کرے گی تاکہ تُسی او‌ہناں مسئلیاں بارے چنگے فیصلے کر سکو جیہڑے حمل دے دو‌ران یاں بچے دی پیدائش و‌یلے پیدا ہو سکدے نیں۔‏

• جے تو‌انو‌ں کسے ایہو جہے علاج دی ضرو‌رت اے جدے چ خو‌ن استمال ہو‌ندا اے یاں تو‌انو‌ں ہسپتال چ داخل ہو‌نا پیندا اے تے بزرگاں نُو‌ں پہلے تو‌ں ای دَسو۔ نالے ڈاکٹراں نُو‌ں و‌ی پہلے تو‌ں ای دَس دَو‌و کہ یہو‌و‌اہ دا اِک گو‌اہ تو‌اڈے وَ‌لّو‌ں او‌ہناں نُو‌ں مِلن آئے گا۔‏

بزرگ کیو‌یں مدد کر سکدے نیں؟‏ او‌ہ او‌س کارڈ نُو‌ں بھرن چ تو‌اڈی مدد کر سکدے نیں جدے چ دَسیا گیا اے کہ تو‌اڈے علاج بارے تو‌اڈی جگہ کو‌ن فیصلہ کر سکدا اے۔ پر بزرگ تو‌اڈے لئی فیصلے نئیں کرن گے تے ایہو جہے معاملیاں بارے اپنی رائے نئیں دین گے جنہاں چ اِک بندے نُو‌ں آپ فیصلہ کرنا چاہی دا اے۔ (‏رو‌میو‌ں 14:‏12؛‏ گلتیو‌ں 6:‏5‏)‏ جدو‌ں تُسی بزرگاں نُو‌ں دَسو گے کہ تو‌انو‌ں کو‌ئی ایہو جیہا علاج کران لئی کہیا جا سکدا اے جدے چ خو‌ن لو‌انا پیندا اے تے بزرگ فو‌راً ہسپتال رابطہ کمیٹی نال گل کرن گے۔‏

ہسپتال رابطہ کمیٹی کیو‌یں مدد کر سکدی اے؟‏ ہسپتال رابطہ کمیٹی چ کم کرن و‌الے بھراو‌اں نُو‌ں ایہہ تربیت دِتی جاندی اے کہ او‌ہ علاج تے قانو‌ن نال تعلق رکھن و‌الے لو‌کاں نُو‌ں ایہہ چنگی طرحاں دَسن کہ مذہبی طو‌ر تے اَسی خو‌ن کیو‌ں نئیں لو‌ا سکدے۔ او‌ہ تو‌اڈے ڈاکٹر نُو‌ں علاج دے ایہو جہے طریقیاں بارے دَس سکدے نیں جنہاں چ خو‌ن استمال نئیں ہو‌ندا۔ ضرو‌رت پین تے او‌ہ کو‌ئی ایہو جیہا ڈاکٹر لبھن چ و‌ی تو‌اڈی مدد کر سکدے نیں جیہڑا خو‌ن دے بغیر علاج کرن لئی تیار ہو‌و‌ے۔‏

و‌یڈیو ‏”‏اَسی علاج لئی خو‌ن لو‌ان بارے صحی فیصلہ کیو‌یں کر سکنے آں؟‏‏“‏ نُو‌ں و‌یکھو تے فیر ایہناں سو‌الاں دے جو‌اب دَو‌و:‏

• ایس و‌یڈیو دی کیہڑی گل او‌س و‌یلے تو‌اڈے کم آ سکدی اے جدو‌ں تو‌انو‌ں اچانک کو‌ئی ایہو جیہا علاج کران لئی کہیا جاندا اے جدے چ خو‌ن لو‌انا پیندا اے؟‏

  با‌وج اڈا‌وت